Ramp Agent

Da Ramp Agent oder aa da Ops Agent (Station Operation) is a Ogstäida vo ana Fluaggsäischaft, der am Bodn de Fliaga fian Obflug herricht. Bei gressane Flughäfen is ea oft a gleichzeitig da Stationsloata oder de Einsatzleitung fiad Airline.

Aufgobn

Da Ramp Agent is zuaständig fiad Besatzung vom Cockpit und da Kabine. Außadem duad er a zwischn am OPS (Operations Office, de Einsatzzentrale vo da Handling Firma oder da Fluaggsäischaft), de Leid vom Gate, da Technik und de andern Arbeiter am Vorfäid vamittln und duad a olle Dienstleistunga, de wos am Bodn oboten wern koordiniern. Do dazua ghert de Beladung, as Tanken, as Putzn vom Innenraum, as Catering, as Frischwossa, as Wegfahren vom Obwossa und as Boarding vo de Passagiere.

Ramp Agents schaung a, dass de Sichaheitsvorschriften vo da IATA (International Air Transport Association), da ICAO (International Civil Aviation Organisation) und da Luftfahrtbehörde vo dem jeweiligen Land (in Deitschland LBA, in Österreich Austrocontrol und in da Schweiz BAZL) eighoitn wern. Oft ham de Fluggsäischaften a no eigene Sichaheitsvorschriften und a de, de wos de Fliaga bauen, hom eanene eigna Regularien, wia zum Beispui:

• Eihoitn vo de Ladebegrenzungen
  • maximale Bodnbelastung vom Laderaumbodn
  • maximale Belastung vo da Fliagastruktur
  • Zammalodbarkeit vo da Fracht (Gfahrguad, Lemsmiddl, Viecha)
  • Sichan vo schware Lastn, Viecha und Gfahrguad)
  • Einschränkunga in bestimmte Laderäume, fia bstimmte Güta
  • Beschränkunga und Embargos fia manche Flughäfna
• Eihoitn vom Schwerpunkt und de Gsamtgwichta
  • Eihoitn vo de Trimlimts (Schwerpunkt vom Fliaga beim Start und da Landung)
  • Eihoitn vo de maximal zulässigen Gwichta fia an Start und de Landung
  • Obsprecha mitn Loadcontroller

Außerdem schaugt a Ramp Agent aa aufs Eilodn vo de Koffer und de Sichaheitsvorschriften, de wos do dazua ghean.

Wichtig is fia eam vor Oim de sichane, pünktliche und wirtschaftliche Obfertigung vom Flug. Oft sans a fia des Ausseschiam vom Fliaga aus da Parkposition verantwortlich (Push-Back).

Nochm Eilodn und am Eisteing vo de Passagiere wern de Ladedaten übers Telefon oder as mobile EDV ans sognennte Weight & Balance System vo da jeweiligen Airline übertrong. Mit dene Daten werd nachad a Load- und Trimsheet gmacht.

Zum Trimsheet ghern olle Daten, de wichtig fias Cockpit han, wia zum Beispui:

• Takeoff weight (TOW) – Startgwicht
• Landing weight (LAW) – Landegwicht
• Loaded Index Takeoff Weight (LI-TOW)
• Loaded Index Landing Weight (LI-LAW)
• MAC oder aa CG at TOW – Schwerpunkt vom Fliaga beim Start
• MAC oder aa CG at LAW – Schwerpunkt vom Fliaga bei da Landung

(MAC = mean aerodynamic center) (CG = center of gravity)

Da Ramp Agent hod vorher gschaugt, dass olle Limits eighoitn worn san und, dass des Daten am Loadsheet aa bassn. Dafia trogt a de Gsamtverantwortung.

As Loadsheet werd heid meistens via Datalink direkt ins Cockpit übertrong und do nachad ausdruckt. Dabei wern de Daten a indn Bordcomputer eigspuit, mit dene nachad de Klappen (Flaps, Spoiler, Vorflügl) vom Fliaga eigstäit wern fia Start und Landung eigstäit wern.

Aufm Loadsheet stengan ned nur de Trim- und Gewichtsdaten, sondern a Informationen über gwisse Sonderladungen, wia zum Beispui Gefahrgüter, Güter, de oblaffa kennan oder Viecher.

Weblinks

• EinBlicke: Ramp Agent am Flughafen Nürnberg, Video auf YouTube