Rechtskroftzeignis

Aus Wikipedia

A Rechtskroftzeignis (dt.: Rechtskraftzeugnis) is noch deitschm Prozessrecht a Bscheinigung, doss a grichtliche Entscheidung Rechtskroft ealongd hod. Es wead ausgstejd, wenn dea im Rechtsstreit Untaliengde innahoib vo da dofia voagsengna Frist koa Rechtsmiddl oda koan sonsting Rechtsbehejf eihglegd hod, draf rechtswiaksom (etwa ba Uateisvakindung) vazichdd worn is oda wenn koa Rechtsmiddl geng de Entscheidung meah megli is, beispuisweis wenn a Entscheidung vom Bundesgrichtshof oda vo de Obalandesgrichte voaliegd. As Rechtskroftzeignis wead van Uakundsbeamtn vo da Gschäftsstej eateid und ois Vameak af de Ausfeatigung vo da Entscheidung gsetzd.

De gsetzliche Grundlog van Rechtskroftzeignis liefad § 706 ZPO.

Enthoid a grichtliche Entscheidung an Vameak "Voistreckboare Ausfeatigung", so lossd se draus ned schliassn, doss de Entscheidung rechtskräftig is. Monche Entscheidunga san van Glaibiga voalaifig voistreckboa, kenna owa no vo demsejm oda oam näxdinstanzlichn Gricht afghom wean.

Obocht, do steht a wichtiga Hiweis zu Rechtsthemen!