Remise Favoritn

Der Artikl is im Dialekt Weanarisch gschriem worn.

De Remise Favoritn is a Betriebsbauhnhof von da Weana Tramway im 10. Weana Beziak Favoritn. Dea Bauhnhof is 1899 von da Stråß'nbauhg'söischåft errichtet wua'n, daumois no ois Remis füa de Tramway-Pfeadl'n, obwoi zu dera Zeit scho de easchte Elektrische duach d'Favoritnstråß'n g'foah'n is. De Pfead'ltramway is in Favoritn seit 1873 untawegs g'wes'n und zwoar auf da Streck'n Schwarzenbergplåtz – Lothringerstråß'n – Favoritnstråß'n; a zweite Linie is in Wiedna Giatl entlaung g'foah'n bis zum Südbauhnhof (heut' Wean Hauptbauhnhof).

Da heitiche Beriebsbauhnhof is 1914–1915 von de städtisch'n Stråß'nbauhnan baut wua'n.

De Remis' liegt zwisch'n da Gudrunstråß'n, da Erlachgåss'n und da Leebgåss'n, de Erlachgåss'n füaht eigentli mitt'n duach. Vom Bauhnhof bis zua Laxenburger Stråß'n füah'n de Gleis auf da Gudrunstråß'n, wo friacha'r amoi de Endstateaun von da Linie O g'wes'n is. Aun da Gudrunstråß'n söwa lieg'n de Vaoitungs- und Wohnbaut'n. Daneb'n liegt da freistehate, niadrichare Ohfeatigungsbau, dea wås a markant's Dach'l håt.

• 
  Vawoitungsbau
• 
  Reparatuagruab'n
• 
  Reparatuagruab'n
• 
  Zuafoaht von da Erlachgåss'n
• 
  Betriebsfoahzeig'
• 
  rechts da Ohfeatigungsbau

Literatua

• Werner Schubert: Favoriten, Verlag Beziaksmuseum Favoritn, Wien 1992, S. 77.
• Maria Kinz: Lebenswertes Favoriten, J&V Edition Wien, Wien 1992, ISBN 3-85085-083-0; S. 72.