Reptülien

Aus Wikipedia
(Weidagloadt vo Reptilia)
Der Artikl is im Dialekt Ostestareichisch gschriem worn.
Reptülien
Reptilien

Greana Leguan (Iguana iguana)

Systematik
Stamm: Chordaviecha (Chordata)
Untastamm: Wirbeviecha (Vertebrata)
Ibaklass: Kiefagoschal (Gnathostomata)
Reih: Laundwiaweviecha (Tetrapoda)
ohne Rang: Sauropsiden (Sauropsida)
Klass: Reptülien
Reptilien
Wissnschoftlicha Nama
Reptilia
Laurenti, 1768

Reptülien oda Kriachviecha san – noch traditionölla Taxonomie - a Klass vo viahaxade Wiaweviecha mid ana gschupptn Haut, de wos in da Regl Eia mid ana Koichschoin und an Eiheidl (Ammnion) legn. Eana Raung in da modeanen zoologischn Taxonomie is umstriddn, weu s net monophyletisch san. Des haaßt, vo eanara Entwigglungsgschicht is kaa kloare Obtrennung za de Vegl meglich. So san z. B. de Krokodüle nächa mit de Vegl vawaundt ois mit de Aadaxl. Vüüle maana zweng dem, ma suitats zaumman mit de Vegl in a Klass Sauropsida tuan. Trotzdem weans aa no heid wenigstns ois informölle Grubbm heagnumma, weu s in eanan Keapabau und eanara Physiologie recht ähnlich san. De Wissnschoft vo de Reptülien haaßt ma Herpetologie. Is Wissn vo da Hoitung und da Zucht vo de Viecha haaßt ma Terraristik. De zwaa Wissnsgebiete schliaßn owa net nua de Reptülien, sundan aa de Amphibien eih. Vo de ausgstuawanan Reptülien san de Dinosaurier de bekaunntastn.

Heitige Grubbm[Werkeln | Am Gwëntext werkeln]

Weu de Reptülien streng gnumma neama ois Taxon götn, suitat ma s eigantli zsaumman mid de Vegl untam Taxon Sauropsida zöhn. De Sauropsida umfossn olle heitign und ausgstuawanan Reptülien und Vegl. De fuigandn Grubbm wean owa heid no extrig untam Naum Reptülien aufzöhd:

  • Schüüdkrodn (Testudines)
  • Bruggnechsn (Sphenodontidae)
  • Schuppmkriachviecha (Squamata)
    • Schlaunganschleichn (Dibamidae)
    • Leguanoatige (Iguania)
    • Geckooatige (Gekkota)
    • Skinkoatige (Scincomorpha)
    • Doppeschleichn (Amphisbaenia)
    • Schleichnoatigie (Anguimorpha)
    • Schlaungan (Serpentes)
  • Krokodü (Crocodylia)

Olle heitign Reptülien haum - ois Untaschied za de Vegl - kaan Schnowe, kaane Fedan, kaane ois Fliagl umbaude Vuadahaxn und san Koidbliatla.

Literatua[Werkeln | Am Gwëntext werkeln]

Im Netz[Werkeln | Am Gwëntext werkeln]

 Commons: Reptilien – Sammlung vo Buidl, Videos und Audiodateien