Buach der Richta

Des Buach der Richta (hebr. שופטים, Schofetim; gr. Κριταί, Kritai) is a Buach vom jüdischn Tanach und vom Oidn Testament in da christlichn Bibel. Da Noma kimmt vo den „Richtan“, de in da frihan israelitischn Gsöischoft wichtige Leitungsaufgobn übanehma und de Israelitn oda oanzlne israelitische Stämme vo da Untadrückung durch de Feinde befrein.

Inhoit

Des Buach da Richta fangt praktisch dort o, wo des Buach Josua aafhert. Do wird kuaz vazejht, wia die Israelitn des vahoaßane Land übanomma hom. Dorauf wird glei de Richtazeit beschriem, d. h. de Zeit unmittlbor noch da Landübanohme. Des wird nachad ois Übaleitung zu den Gschichtn vo den oanzlnen Richtan braucht. Danoch gibts no zwoa Onhänge, bei dene de Gründung vom Heiligtum vo Dan und de Auseinondasetzung mit den Benjaminitan vo Gibea vazejht wird.