Rick and Morty

Aus Wikipedia
Zur Navigation springen Zur Suche springen

Rick and Morty is amerikanische Science Fiction Animationsserie fia Dawoxane. Gmocht worn is vom Justin Roiland und vom Dan Harmon fian TV-Senda Adult Swim, dea wo in da Regl ois Programmblock im Cartoon Network ois Nochtprogramm ausgstroid wead.

In da Serie gähds um de Schlamassl vom zynischen, wahnsinnign Wissnschofta Rick Sanchez und im guadheazign owa doikadn Enkel Morty Smith. De Gschichtn spuid ba eana dahoam und in vaschiedna Dimensiona bzw. Universn.

Figuan[VE | Weakln]

Haptfiguan[VE | Weakln]

Rick Sanchez

Da Rick Sanchez is a Wissnschoftsgenie. Ea is da Voda vo da Beth und da Groußvoda vo da Summer und vom Morty. Ea hod sei Wei valossn und damid aa sei Dochda Beth. Etzad lebt a owa in da Famij vo seina Dochda. Da Rick is oft bsuffa und mocht nacha an Bledsinn. En Morty hoida fia deppad, hod eam owa recht gean. Nua da Morty deaf mid eam af seine Roasn duach andane Wejdn midkema.

Morty Smith

Da Morty is da 14-jaarige Suhn vo da Beth und vom Jerry. D varuggdn Obndeia midn Rick nehma eam recht hea und vastean eam. Da Morty is a weng doikad. Da Rick nutzt eam aa ois Tarnung, wei d oafochn Hianwejn vom Morty iwalogan d komplexn vom Rick und daischn so seine Feind. Da Morty is ind Jessica vo seina Schui valiabt. Ea steigt owa aa andan Deandln recht gean noch.

Summer Smith

D Summer is de 17-jaarige Schwesta vom Morty. Se is a typischa Teenaga.

Jerry Smith

Da Jerry is da Mo vo da Beth und da Voda vo da Summer und vom Morty. Ea suacht meah Respekt und Onakennung. Da Rick hoid eam fia iwaflissi. Vom Beruaf is a Weabefuzzy, owa ned bsundas dafoigreich.

Beth Smith

D Beth is de Dochda vom Rick. Se is vo iam Voda a weng oogfressn, zoagts owa moast ned. Beth is a Roß-Chirurgin. Vo iam Mo Jerry is se oft gneavt. In da driddn Staffe hods nacha d Scheidung eihgreicht.

Neemfiguan[VE | Weakln]

Jessica

D Jessica is a Schuimadl vo da Schui vom Morty. Ea is in se valiabt und vasuacht mid ia zammzkema. Se hod nix gegan Morty, stähd owa ned af eam. In da Schui is d Jessica recht beliabt.

Im Netz[VE | Weakln]