Rudy Youngblood

Aus Wikipedia
Zur Navigation springen Zur Suche springen

Rudy Youngblood, Indiananom Tee-Dee-Nae (boarischStoaka Bua“), (* 21. Septemba 1982 in Belton, Texas, USA; ois Rudy Nathaniel Jamal Gonzalez) is a US-amerikanischa Schauspuija, Dänza, Powwow-Sänga und Künstla, dea wo vo de Komantschn, Kri und Yaqui-Indiana ostommt.

Ois Dänza und Powwow-Sänga pflegt a de Indiana-Kuitua vo seine Voafoan. Mit da Peter Buffet Multimedia Formation Spirit - The Seventh Fire is a duach de USA und Kanada zong. De Tournee is aa vafuimt woan. Mit Native American Dance Theatre und de Original Navajo Code Talkers is a emfois auf Tournee gwen. Ois Hauptdoastella vom Mel Gibson Fuim Apocalypto is a wejdbekonnt woan. Fia de Roin hod a en Yucatec-Dialekt vo da Maya-Sproch gleant, wei olle Dialoge in am Fuim in dera Sproch ghoitn san und nix synchronisiat woan is.

Da Youngblood is aa a begeisteta Spoatla (Reidn, Boxen, Cross-Country) und a telentiada Kunstmola (voa oim indianische Motive).

Fuimografie[VE | Weakln]

  • 2010: Beatdown
  • 2009: Relentless
  • 2006: Apocalypto (Hauptroin: "Jaguar Paw")
  • 2005: Spirit: The Seventh Fire

Im Netz[VE | Weakln]