Quöntext voh da Seiten SMS Fregatte Novara auhschauh

{{Dialekt-oben|Ostmittlboarisch|Owaöstareichisch}}

[[File:Josef Püttner - SMS Fregatte Novara (Venice, after 1862).jpg|miniatur|De SMS Novara noch 1862 in Venedig, A Öbüdl vom Joseph Püttner.]]
De '''SMS Fregattn Novara''', dt '''SMS Fregatte Novara''', woa a Schiff mid ana wexlvoin Gschicht. Scho bevuas nu vom Schtapl glaffn is hods scho zwoa Moi den Bsitza gwexlt. In Dienst is nu ois Seglschiff gschtöd wuan. Daun is za an Fuaschungsschiff umbaut wuan. Mid ihra Fuaschungsfoaht hod praktisch de modeane Ozeanographie augfaungt. Owa mid Ihra Foaht hod a praktisch da Gdaunkn augfaungt, das jo a aa ''Wödkuituaeab'' gabad.  Noch da Wödroas is valengat wuan und hod zwoa Daumpfmaschinan eibaut griagt. Daun woas a Schraubnfregattn. Se Hod a in ''Eazheazog Maximilan'' noch Veracrux gfiat. Und den daschossanen mexicanischn ''Kaisa Maximilian'' daun wida hoambrocht. Noch an Braundaunschlog is schnö wida zaumgflickt wuan. So daß eisotzfehig woa zua [[Seeschlocht bei Lissa]]. Wo de untalegane östareichische Marine de Italienische bsiagt hod. Gendt hods ois ''Hulk'' und daun ois a ''Wohnschiff'', bevuas 1888/89 ogwrackt wuan is.

{{Infobox Schiff
| Schiffskategorie = Segelschiff
| Name = S.M. Fregatte ''Novara''
| Bild = Novara in cut.gif
| Bildtext = Riss ausn Scherza seina englischspochign Publikazion
|1={{Infobox Schiff/Basis
 | Land                = {{AUT-HUN-SK}}
 | andere Schiffsnamen = 
 | Schiffstyp          = Fregattn
 | Rufzeichen          = 
 | Heimathafen         = Pula, Dalmazien
 | Eigner              = k.k. Kriagsmarine
 | Bauwerft            = Arsenale di Venezia<br />Umbau 1856:<br />Arsenale di Pola<br />Umbau 1860/62:<br />San Rocco, Triest
 | Stapellauf          = 4. Novemba 1850
 | Verbleib            = 1898 abgewrackt
 }}
|2={{Infobox Schiff/Daten
 | Länge       = 50,35
 | Breite      = 13,80
 | Tiefgang    = 
 | Verdrängung = 2107
 | Vermessung  = 
 | Besatzung   = 352 während a Wödroas, davo 7&nbsp;Wissnschoftla
 }}
|3={{Infobox Schiff/Daten
 | AbJahr      = Aprü 1862
 | Länge       = 65,53<ref name="NYT">Daten: New York Times, 26. Aprü 1871; urspringliche Augom in Fuaß. Quön: Michael Organ, University of Wollongong, Australien. S. Weblink.</ref>
 | Breite      = 13,72<ref name="NYT" />
 | Tiefgang    = achtan 6,2<ref name="NYT" /> m<br /> vuan 5,4<ref name="NYT" />
 | Verdrängung = 2497<ref name="NYT" />
 | Vermessung  = 
 | Besatzung   = 447<ref name="NYT" />
 }}
|4={{Infobox Schiff/Rigg
 | Takelung    = Bark
 | Masten      = 3
 | Segelanzahl = 
 | Segelfläche = 1829
 }}
|5={{Infobox Schiff/Rigg
 | AbJahr            = 1857
 | Takelung          = Voischiff
 | Masten            = 3
 | Segelanzahl       = 
 | Segelfläche       = 
 | Geschwindigkeit_S = 
 }}
|6={{Infobox Schiff/Rigg
 | AbJahr            = 1862
 | Takelung          = Auxiliarsegla
 | Masten            = 3
 | Segelanzahl       = 
 | Segelfläche       = 
 | Geschwindigkeit_S = 
 }}
|7={{Infobox Schiff/Antrieb
 | AbJahr            = Aprü 1862
 | Antrieb           = Zwoazylinda-Dampfmaschin
 | Maschinenleistung = 400
 | Geschwindigkeit_M = 12-14
 | Propeller         = 1
 }}
|8={{Infobox Schiff/SektionNeu
 | Sektionstitel = Bewoffnung
 | Bezeichnung1  = bei Indienststöllung
 | Daten1        = 42 x 30-Pfünda
 | Bezeichnung2  = Ab 1857
 | Daten2        = 30 x 30-Pfünda
 | Bezeichnung3  = Ab 1862
 | Daten3        = 53 x 30-Pfünda
 | Bezeichnung4  = Ab 1870
 | Daten4        = gändad
 | Bezeichnung5  = 
 | Daten5        = 
 }}
}}

==Im Arsenal==

Nu bevuas, im ''venezianischn Arsenal'', vom Schtopö glaffa is, hods scho zwoamoi den Bsitza gwexlt und hod scho den driddn Nam ghobd.

De Kiellegung vo dera Fregattn woa am 20.Septemba 1843 und des Schiff hed ''Minerva'' hoaßn soin. Owa daun is de Revoluzion vo 1848 dazwischn kema. Do hod de Weaft in ''Venedig'', jo gaunz ''Venezien'' za de Italiena gheat und de haum am Rumpf weidabaud. Des Schinackl haums owa glei af ''L`Italia'' umdauft. Im Meaz 1849 haum de Italiena kapituliat und Venedig woa wida östareichisch. So is am Seglschiff wida unta de Östareicha weidabaud wuan. Vom Schtapl glaffa is am 4.Novemba 1850. Se woa mid 42 Kanonan bschtuckt und ois Gallionsfigua hods a ''Nike'' gschmickt. In Deanst gschtöd is owa eascht im Juni 1851 wuan. Tauft is afn Nam Sm Novara. Dea Nam woa aa Reminiszenz anan ''Födmarschall Radezky'' sein Sieg iwa de ''Piemontesn'' bei da Schtod Novara.

==Da Umbau fia de Wödumseglung==

De Novara woa a guads seetichtige Fregattn, owa de Zeit vo Seglkriagsschiff is laungsaum z`End gaunga. Östareich-Ungarn hod nua in da owan Adria an Zuagriff afs Mea ghobd. De Haundlsbzihungan woan hautdsechli afs estlige Middlmeea ausgricht ( af de Levante). In de Joa noch da Indeanstschtöllung vo da Novara is da Gdaunkn gbuan wuan, das ma mid Ia a friedlige Wödumseglung mocha kennt.

Da Zweck vo so oana Roas wa gwest. Easchtns de wissnschoftlign Fuaschung:
* Da Gegandn, da Fauna und Flora, da Geologie und da Schprochn.
* Und eventuö neiche Haundlspartna afztuan.
* Eventuö woa aa im Hintaköpf da Gdaunkn vuahaundn, no ned kollonisiate Insln in Bsitz znema?

'''Dahinta gschtaundn san a de:'''
* De Geographische Gsöschoft
* De Geologische Reichsaunschtoit (Minaralogie und Paläontologie)
* De Gschöschoft da Ärzte
* De Kaisalige Akademie da Wissnschoftn
* De Zoologische-Botanische Gsöschoft
Des Prestischobjekt is vom Eazheazog Feadinand Maximilian autrim wuan. Da Linienschiffskapiten Bernhard Freiherr vo Wüllerstorf-Urbar is mid da Planung vo da Roas bauftrogd wuan. 1856 is daun des Schiff umbaud wuan. De SM Novara woa owa trozdem koa Expedizionsschiff sundan eha a Fuaschungs- und Testplotfuam za Eaprobung vo de neichastn Technologian.

'''De Neiarungan afn Schiff woan:'''

* 12 Kanonan hod ma ausbaud und a Bibliothek eigricht.
* Ois Wossavuarotsbehöta hod ma easchtmoli Eisnfassl vawendt.
* Ei neioatigs Schleppnetz, de ''Draque'', entwückid vom Ichtyologn ''Prof. Goodsir'' aus ''Edinburgh'' hod ma za Untasuachung vom Mearesbodn eigsezt.
* Von ''M. Rocher'' aus ''Nantes'' is a neiche Destiliamaschin za Aufbroatung vom Dringwossa ausprobiad wuan.

''Zukunftsweisand woan a de neichn hygienschn Bdingungan an Boad, fia de Maunschoft.''
* De ''Melage d`Equipage'' (modeane Konseavnnoahrung vom Chollet). Des woa a komprimiats, druckads Gmias in luftdicht vaschlossane Blechbixna zua Maunschoftsvapflegung. Um da Vabroatung vo Seichn duach eibrochte Lebmsmiddl vuazbeugn.
* Speziöe Duschapparat fia de Bäda san eibaud wuan. De hed ma se schpoan kena. Den in da Weam da Tropn haum se de Matrosn liawa mid de Feialeschschpritzn oduscht.
* Email-Gsundheidsgschia is easchtmoli af an Schiff eigfiad wuan und des soi de hygienischn Bdingungan aun Boad eahebli vabessad hom.
* Schtadistische Eafossung olla unte de Bsotzungsmidgliada aftretandn Infekzionan, Kraunkheitn und Unfoi, zwecks zukinftiga Vameidung.
* Ned nua neiche Konseavn san bunkad wuan, sundan a Minareuwossa und Wei is vo Schponsoan glifad wuan.

'''Wichtige Schponsoan woan aa:'''

* Des londona ''Bankhaus NM Rothschild & Sons'' hod an Kreditrauman vo 32.000 Pfund Sterling zua Vafigung gschtöd, wos eppa zwoa Driddl vo de Kostn vo 585.000 östareichischn [[Guidn]] odeckt hod.
* De Fiama ''Schlummbeaga'' hod reichle Weiß- und Rodwei sowia den Sekt Vöslauer-Goldeck za Vafügung gschtöd. De Fiama woit af dea Roas so de Hoitboakeid vo de Drangln festschtön.
* Kondrauer Minareuwossa aus Waldhausn (Owapfoiz].

==De Fuascha und d`Mauschoft==
[[File:Novara F. Hochstetter.gif|miniatur|Da Hochstetta in sein kloan Fuaschungskammal unta Deck.]]

An Boad woan 345 Matrosn und Offizia untam Kommando vom Kapitän Baron Wüllerstorf-Urbar. Sowia 7 Wissnschoftla, z. B.:

* Da Geolog ''Feadinand Hochstetter''.
* Da Zoolog ''Georg von Frauenfeld''.
* Da Diplomat und Typograph ''Karl von Scherza''. Mid eam hod ma aufengli koa rechte Freid ghobd, weu ois a Auhenga vo da 1848 Revoluzion woa a vuabschtroft. Da ea owa vo 1852 bis 1855 a Siidamerikafuaschungsroas duachgfiad, hodn da Eazheazog Maximilian zan Haundlsdelegiadn und Expedizionsschreiwa duachgsezt.

==De Wödumseglung==

Vo ''Triest'' is ma am 30.Aprü 1857 afbrocha. Owa da a Flaute gheascht hod, is de Fregattn bis Sizilien gschleppt wuan. Vo duat is ma noch Siidamerika, Afrika, Indien, Kina und Australien gseglt. 
[[File:Novara Martinique 1864.gif|miniatur|De Fregattn Novara vua da Insl Martinique]]

Im Sidpazifik hod ma den Ozean eafoascht. Damid hod ma an neichn Wissnschoftszweig grindt, de Ozeanographie. Vuaschungsschwaapunkt woan de de Insl ''St. Paul'', de ''Nikobarn'' und ''Neiseelaund'', wo a de easchtn geologischn Kartiarungan duachgfiad wuan san.

Do de Expedizionsfoaht, a in da Fochwöd aunakaunt gwest is, hods a aa Kriag ned beeitrechtign kena. Den inzwischn is in [[Eiropa]] da ''Sardische Kriag'' ausbrocha. Des Kinireich Sardinien (Ministapresident
Camillo Benso Graf von Cavour) und Fraunkreich (Stootspresident Napoleon III) gegn [[Östareich]]-Ungarn ( Schlocht vo Solferino).

Es hod zwoa nu ka ''UNO'' oda an ''Vökabund'' gem. Owa zweng da wissnschoftlign Saummlungan an Boad is de Expedizion und des Schiff soga vom Gegna Napoleon III unta sein Schutz gschöd wuan.
*'''"...den de Wissnschoft is a Gmoaguad olla Vöka."''' (Ausschpruch vom Napoleon III)
* ''Da Gdaunkn vom Wödkuituaeab is so gbuan gwest.''

De Roas hod vom 1887 bis 1859,  ''551 Tog'' dauat. Ma is 51.886 Seemeun gsegld (Umma 96.000 Km, a Seemeun is 1,852 Km)

==De Eagebnis vo dera Wödroas==
[[File:Novara-expedition-report-book-cover-1865.jpg|miniatur|Des Eibaundbüdl vom easchtn Expedizionbericht, 1861]]

Da ''Karl Scherzer'' hod a dreibändigs Buach iwa de Fuaschungsroas aussabrocht. Des domois nochn ''Humbolds'' ''Kosmos'' de meistvakaftn wissnschoftlign Biachln woan.
 
In an Weak da Akademie da Wissnschoftn, vo 21 Bänd san daun a de wissnschoftlign Eagebniß vo da Roas dokumentiad wuan. In De Joa vo 1861 bis 1876:

[[File:NovaraExpZoologischeTheilLepidopteraAtlasTaf88.jpg|miniatur|A Büdl aus da Saummlung]]
* Bschreibande Teu; Drei Bänd.
* Antropologische Teu; Via Bänd.
* Botanischa Teu; A Baund.
* Geologischa Teu; Drei Bänd.
* Medizinischa Teu; A Baund.
* Nautisch-Physikalischa Teu; A Baund.
* Schtadistischa-Komeaziölla Teu; Zwoa Bänd.
* Zoologischa Teu; Sex Bänd.
* Divease Saummlungan.

Museale Midbringsl, eppa:

* 320..Spauvicha (Säugetia)
* 1.500..Vegl
* 950..Amphiebien
* 2.000.. Fisch
* 6550..Konchilien (Muschln und Schneckn)
* 13.000..Isektn
* 950..Krustaceen (Krebs)
* 500..Schtroitia (Schtochlheita)
* 60..Skelett. Dabei des easchte vo em ausgschtuama Moa.
* 50..Schädln
* 120..Nesta
* 250..Eia
* 472..Ethnographica
* Sowia iwa 2.000 Skitzn und Illustrazionan.
* Es san iwa 200 unbekaunnte Pflaunzn und Viecha eafoaschd wuan.

De umfaungreichn Exponatn vo da Fuaschungsroas san nu Heid im ''Natuahistorisch Museum'' aufghom.

Do a Kokabladln midgnumma wuan san, hod ma aus de, spoda denan eanane drei Basn; Kokain, Ecgonin und Hygrinza zweng an medizinischn Zweck aussagfundn (z.B: A da ''Sigmund Freud'').

==De Novara ois Kriagsschiff==
[[File:SMS Novara versions 1861 vs 1862 comparison.jpg|miniatur|De Novara 1861 und noch da Valengarung vo 1862.]]

Da Eazheazog Maximilian hod woin das de Fregattn valengat wead und so hod mas in de Joa 1861/62 umbaut. Se is umma 15 Meta valengat wuan und hod an Schraubnautriab eibaud griagt. Se is ois a gaunze Eaneiat wuan und is mid 53 dreißskpfünda Kanonen bschtuckt wuan und hod daun za de Rapidklass-Fregattn zöd.

Da ''Eazheazog Maximilian I.'' hod sei mülitarische Ausbüdung af da ''SMS Novara'' ghobd. Und vo 1854 bis 1864 is a da Kommandant vo da Östareichisch-Ungarischn Marine gwest.
*1864 hods den ''Eazheazog Maximilian I.'' noch ''Verakruz'' iwafiat. Den Dea hod se bledawoas zan mexikanischn Kaisa Maximilian I zbruaffa gfüd. 
<gallery>
Datei:Maximilian_of_Mexico_bw.jpg| Da Maximilian ois Kaisa vo Mexico.
Datei:Edouard_Manet_022.jpg| De Exekuzion vom Kaisa Maximilian. A Ölbüdl vom Édouard Manet (1868). 
</gallery>
*In ''Mexico'' is daun da ''Maximilian'' vo de Revoluzionäa schtaundrechtli daschoßn woan.
*Sein Leichnaum hod daun wieda de SMS Novara hoambrocht.
*Des Kommando fia sei lezte Roas hod da ''Viceadmiral Wilhelm vo Tegetthoff'' ghobd.

[[File:SMS Novara in fire 1866.jpg|miniatur|Da Braundauschlog vo 1866]]
Im Fruahjoa 1866 is af de Fregattn a Braundauschlog vaiabd wuan.
Auszug aus da Times Repoatasch (London) vom 14.8.1866:

*''"De Fregattn Novara, uaschprüngli a oids Seglschiff is ausanaundagschnittn wuan und za ana Schraubmfregattn umbaud wuan.'' 
*''Se woa wia ma sogt, knopp vuam Ausbruch vom Kriag duach Braundlegung in Flaumman grodn und beinoh vom Feia vazeaht wuan.''
*''Owade de Widaaufbauoawad vo de triestina Schiffsweaftoawada woa so Groß, daß ia Widaherrschtöllung in via Wocha feati woa. Und nocha is zua Kriagsausrüstung noch Pola ogaunga.''
*''In weidare viazehn Tog woa se Seefeati, mid da Beschtickung, Proviant und Maunschoft an Boad. Und noch dreiahoib Wocha is in de Schlocht gfoan"''

==[[De Seeschlocht vo Lissa]]==

De östareichische Flottn woa fia a Seeschlocht schlecht, mid zweng Kanonan ausgrist gwest. De föhlandn Kanonan san bei Krupp in Essn bschtöd gwest. Es is sogoa de valaungde Vuarauszohlung gleist wuan. Owa da eawoate Krieg hod de ''Fiama Krupp'' oghoitn de Kanonan an [[Östareich]] auszlifan. Jo bei de östareichischn Offizia is de Vamuatung afkema, daß de bezoitn Kanonan an de Italienischn Vabündtn weidagem wuan san.

So san de zwoa großn östareichischn Paunzaschiff, da ''Eazheazog Feadinand Max'' und de ''Habsbuag'' schtod zwaradreißg 64 Pfünda nua mid je 16 schwaare Kanon ausgrist gwest.
[[Datei:De SM Fregattn Novara im Kaumpf bei Lissa.JPG|miniatur|De SM Fregattn Novara in da Seeschlocht bei Lissa. noch an Büdl vom M.Zeno Diemer.]]
Auszug ausm Timesatükö (London) vom 14.8.1866:

*''"A Boa vo de östareichischn Foahzeig woan vo ana so unzualenglign Beschoffnheid, wia de Gschitz, wöchas gfiat haum....''
''*De widaindeanstgschtöde Fregattn Novara is in de Seeschlocht gaunga und hod so vuatreffli manovriat und des feindlige Feia vo iare schwechan Gfähtn oglengt."'' 
[[Datei:Da Schlochtvalauf vo da Seeschlocht bei Lissa.JPG|miniatur|Koatn vom Schlochtvalaf da Seeschlocht bei Lissa am 20.7.1866. De Rotn Schiff san de Östareicha. De Schwoazn de Italiena.]]

Ois da '''Admireu Thegetthof''' af de schlechte Ausristung augschhprocha wuan is hod a nua gauntwuat:
*''"Thut nix; Hobts ia kane Kanonan, so gebts mia de Schiff und i wead es scho so guad mocha ois megli"''

Da Rest is Gschicht: Maungls Feiakroft, haums de iwalegna Schiff vo de Italiena grammmt und in de Flucht gschlogn.

*1867 hod de Novara nu de Leich vom exekutiatn ''mexikanischn Kaisa Maximilian I'' hoambrocht.
*De Fregattn hod daun in de nextn Jahrl nu a Boa Atlantikfoahtn untanumma.

==Des End da Novara==

Zan End vom Joa 1876 hod ia unrühmligs End augfaungd. Zeascht ois a ''Hulk'' und daun ois a ''Wohnschiff''. In de Joa 1888/89 is daun ogfrackt wuan. A traurigs End vo an schtoizn Schiff.

* Im ''Heeresgschichtlign Museum'' in [[Wean]] schtehd a Modö vo da ''Fregattn SM Novara'' im Moßschtob 1 za 75.
* A im ''Ebelsberger Schloss'' in [[Linz]] hods in da ''Heeresgschichtlign Ausschtöllung'' a Modö vo da Fregattn.

==Schau aa==

* [[Gschicht vo da Seefoat]]
* [[Schloßmuseum Öwisbeag]]
* [[Don Juan de Austria]]
**[[Portal:Gschicht]]

== Beleg ==
<references />

== Literatua ==
* Renate Basch-Ritter: „Die Weltumseglung der Novara 1857-1859“. Akademische Druck– und Verlagsanstalt, [[Graz]] 2008, ISBN 978-3-201-01904-0
* Wilhelm Donko: “An Austrian View of the Philippines. The Austrian Scientist Karl von Scherzer on his visit in Manila aboard the frigate "Novara" in June 1858”. Verlag epubli.de, Berlin 2012, 176 pages, ISBN 978-3-8442-1603-5
* Roswitha Karpf (Hrsg.): ''Unterwegs zu fernen Ufern. Die Weltumseglung der „Novara“ (1857–1859) und die transoceanische Reise der „Saida“ (1884–1886)''. Universitätsbibliothek, Graz 2001 
* Karl Scherzer: ''Die Weltumseglung der „Novara“ 1857–59''. Herausgegeben, bearbeitet und kommentiert von Günter Treffer. Molden, [[Wean]] u. a. 1973, ISBN 3-217-00543-0.
* Friedrich Wallisch: ''Sein Schiff hieß Novara. Bernhard von Wüllerstorf, Admiral und Minister''. Herold, [[Wean]] 1966.
* David G. L. Weiss, Gerd Schilddorfer: ''Novara – Österreichs Traum von der Weltmacht.'' Amalthea, [[Wean]] 2010, ISBN 978-3-85002-705-2.

===Diplomoawad===
* http://othes.univie.ac.at/4137/1/2009-03-19_9650339.pdf|{{Toter Link|date=2017-10 |bot=InternetArchiveBot |url=http://othes.univie.ac.at/4137/1/2009-03-19_9650339.pdf%7C }} Diplomowad iwa de Wödumseglung.

==Im Netz ==
{{Commonscat|Novara (ship, 1850)}}
{{Commonscat|Novara (ship, 1862)}}
* http://de.wikipedia.org/wiki/Schlacht_bei_Novara_%281849%29
* https://web.archive.org/web/20131127033117/http://novara-expedition.org/de/geschichte.html#anchor%20top
* https://web.archive.org/web/20140302111844/http://austria-forum.org/af/Heimatlexikon/Novara-Expedition
* http://books.google.at/books?id=B3QKAAAAIAAJ&pg=PA5&hl=de&source=gbs_toc_r&redir_esc=y#v=onepage&q&f=false| A Iwasetzung vo an englischn Times Atükö iwa de Seeschlocht bei Lissa.
* [https://web.archive.org/web/20110216141540/http://www.michaelorgan.org.au/novara.htm The Austrian Frigate SMS Novara and the Novara Scientific Expedition of 1857–1859 including its visit to Australia 1858]

{{Berig1}}

__INDEXIEREN__

[[Kategorie:Geschichte der Seefahrt| ]]
[[Kategorie:Europäische Geschichte]]
[[Kategorie:Österreichische Geschichte]]
[[Kategorie:Habsburger]]