Sam Rivers

Aus Wikipedia
Zur Navigation springen Zur Suche springen
Da Sam Rivers beim Woodstock 99'

Da Sam Rivers (*2. Septemba 1977 in Jacksonville, Florida, USA) is da Bassist, Midbegründa unds jingste Bändmitglied vo da Nu-Metal-Bänd Limp Bizkit. Da Rivers is da Cousin vom John Otto, dea wos da Drummer vo da Bänd is.

In seina Schuizeid auf da Arlington Middle School hod a Tuba in da Schuiband gspüd. Späda hod a se daun mea fia d'Gitarr intaressiad und se dazua entschiedn auf des Instrument umzsteign. Sein Musiklehra hod eam owa grodn, dass a an Bass lerna soid. Da Rivers hod des gmochd und hod daun mid seim Cousin John Otto in ana Jazzband gspüd. Zu dera Zeid hod da Rivers im Fastfoodgschäft "Chick-fil-A" gorweit, wo a an Fred Durst kena gleant hod. Musikalisch is da Sam vo Bands wia Black Sabbath und Megadeth beeiflussd woan. Im Joar 2000 is a bei de "Orville H. Gibson Guitar Awards" ois "Best Rock Bass Player" auszeichnet woan. Wei Limp Bizkit a launge Zeit ohne an Gitarristn auskuma ham miassn, hod da Rivers bei a boa Songs vom Oibum "Results May Vary" zua Gitarr griffn.

Da Rivers wor a ois Produzent tätig. Währnd de Vorbereitungen zum "Greatest Hitz"-Oibum hod a mid zwoa lokale Bands aus Jacksonville "Burn Season" und "The Embraced" zaumgorweit.

Seid 2001 is da Rivers mid seina Laungzeitfreindin Kinter Atkins vaheirat.