Sander Post

Sander Post
	Sander Post
Personalia
Geburtstag	10. Septemba 1984
Geburtsort	Viljandi, Estnische SSR
Größe	199 cm
Position	Stiamer
	2 Stand: 3. Juli 2013

Da Sander Post (born am 10.Septemba 1984 in Viljandi) is a estnischa Fuaßboispuia, der wo zur Zeit beim FC Flora Tallinn spejt.

Ogfangt hod da Post beim drittklassign FC Elva, wo er in da Saiso 2001 mid 16 Jar seine easchtn 21 Speja ois Vateidiger gmocht hod. Noch zwoa Jar dort is a in de Meistriliiga zu Tulevik Viljandi gwechslt, wo er owa nur oa Jar gwen is, wei er dann 2004 Profi beim gressten Fuaßboivarein vo Estland FC Flora Tallinn worn is.

2005 is a fia oa Saison zum dänischn Zwoatligistn Vejle BK ausgliehn worn, wo er owa koan groußn Eindruck hinterlossn hod und nur oa Spej gmachd hod. Nochdem er im Summer 2006 zu Flora zruckkehrt wor, hod er dodn bis 2008 47 Spej gmocht und wei er auf Grund vo am Stiamermangl vom Innenverteidiger zum Stiamer umgschuit worn is, hod a in dera Zeit a 22 Tor gschossn.

Im Summer 2008 hod a dann an Vertrog auf Leihbasis bei de Go Aheads Eagle, am holländischn Zwoatligistn unterschriem. Glei in seim easchtn Spej in da Eerste beim 1:1-Unentschiedn gega RKC Waalwijk hod er sei eascht Tor fia Go Ahead gschossn. Nachdem des Ausleihn um a Saiso verlängert worn is, is Post eascht in da Mittn da Saiso 2010 zu Flora zruckghert. Do hod as dann no gschafft, in 17 Speja 24 Tor zu schiaßn, wos n mit da Ratn vo 1,412 zum effektivstn Torschitzn vo de easchtn Lign da Wejd 2010 gmachd hod.

Im Meaz 2011 hod Post an Dreijarsvertrog mit m norwegischn Club Aalesunds FK gschlossn, de an Ersatz fia eanen Stiamer Tor Hogne Aarøy brauchd hom, dea zu JEF United Ichihara Chiba noch Japan riber is. Dea Vertrog is owa am 1. Feba 2013 in gegaseitign Einvernehma aufglest worn, wei er kaum no gspejd hod.

Seitdem is a wieder beim FC Flora Tallinn, wo a iatzad an Vertrog bis zum End vo 2014 hod^[1].

Internationoi

Sei easchts Spej fia de Nationoimannschaft war am 2. Dezemba 2004 im King’s Cup gega Ungarn^[2]. Eascht mehr ois fimf Jar späda, am 21. Mai 2010, hod a dann sei zwoats Spej in am Freinschoftsspej gega Finnland ghobt, wo er beim 2:0-Sieg seiner Mannschaft sei bisher oanzigs Tor fia de Nationoimannschaft gschossn hod.^[3]

Ehrunga

2010: Fuaßballer da Saison in da Meistriliiga
2010: Torschitznkini in da Meistriliiga

Beleg

↑ Soccernet.ee: Sander Post naasis Florasse. 11. Februar 2013, archiviert vom Original [1] am 16. August 2013; abgerufen am 3. Juli 2013 (estnisch).
↑ ohtuleht.ee: Sander Post, eto Sander Post. 4. April 2008, abgerufen am 3. Juli 2013 (estnisch).
↑ Estnischer Fuaßboiverband: Eesti alistas 73 aasta järel Soome! 21. Mai 2010, abgerufen am 3. Juli 2013 (estnisch).

Im Netz

Sander Post in der Datenbank von soccerway.com
Sander Post in der Datenbank von weltfussball.de

Torschitznkinis vo da Meistriliiga

1992: Bragin • 1992–93: Bragin • 1993–94: Gruznov • 1994–95: Morozov • 1995–96: Rajala • 1996–97: Bragin • 1997–98: Nahk • 1998: Nahk • 1999: Krõm • 2000: Krõm / Juška • 2001: Gruznov • 2002: Krõlov • 2003: Hamre • 2004: Zahovaiko • 2005: Neemelo • 2006: Gruznov • 2007: Lipartov • 2008: Teever • 2009: Gussev • 2010: Post • 2011: Čekulajevs • 2012: Ivanov

Kader des FC Flora Tallinn in der Meistriliiga 2013

Trainer: Marko Lelov

[1] Soccernet.ee: Sander Post naasis Florasse. 11. Februar 2013, archiviert vom Original [1] am 16. August 2013; abgerufen am 3. Juli 2013 (estnisch).

[2] tuleht.ee: Sander Post, eto Sander Post. 4. April 2008, abgerufen am 3. Juli 2013 (estnisch).

[3] Estnischer Fuaßboiverband: Eesti alistas 73 aasta järel Soome! 21. Mai 2010, abgerufen am 3. Juli 2013 (estnisch).

[1]

[2]

[3]