Saugeing

A Profi Bumbass, hod mid da Saugeing nua as Grundprinzip gmoasam

A Saugeing oda Deifesgeing (dt. Teufelsgeige, Saugeige, engl. bladder fiddle), aa Bumbass, Beddlageing oda Sauschtessl, is a lustigs Musiinschtrument, a Mischung vom am Soatninschrument (Bassgeige) und an Schloginschtrument (Percussion). Des kimmt in de Nama Saugeing und Sauschtessl guad zun Ausdruck.

Es wead in Bayern und Östareich heit gean ois Rhythmusinschrument und Krochmocha bei Festln gnuzt, owa aa bein Zampan, im Fosching oda in da Voiksmusi.

Aufbau

A Saugeing bsteht aus an Steggn, ana Doamsaitn, ana aufblosanan Schweinsblodan (auf englisch hoaßts deswegn bladder fiddle = Blodan Geing) ois Resonanzkeapa (ko natiale aa a Hoizkastl sei), oft aa a Dromme, Blechdosn, Gleggal usw. Am oban End vom Steggn huggt da gschnizde Schädl vo an Deife oda vo ana Sau. Gschpiit weads mid an Kochleffe, an Schlegl oda an Dreschl, dabei wead de Deifesgeing im Rhythmus aufgschdampft. A Deifesgeing soit nit gressa sei, ois wia da Schpuia.

Bein Bau vo ana Deifesgeing kennt de Fantasie koa Grenz nit, a jede Deifesgeing schaugt andasta aus.

Unmiddlboare Voalaifa vo da Saugeing woan de Beddlageing ois oafochs Musiinschtrument fia Beddla (seitn 17. Joarhundat), weidane Voalaifa gibts owa aa scho vii friara. De Beddlageing deafat oans vo de ejtastn Inschtrument iwahapts sei.

Sinn

Saugeing hoassans, wei mid dem Krawai sogoa a Sau und an Deife vatreim ko.

Des woa woascheinle aa da uaspringliche Sinn in da Voikskuitua, so wia aa bei da Krochmocharei z Sylvesta, bei de Beachtnumzig, im im Fosching oda bein Poitaomd. Auf de Weis soin de Schiachgeista vatriem wean.

Kindlschpruch

Deifesgeing, Deifesgeing, danz mid mia in Deifesreign.

Deifesgeing, Deifesgeign, dua ma in Deife glei vatreim.

Beleg

• the bumbass, lagerphone, and tromba marina connection (a short history of the one string stick).
• Teufelsgeige auf austriaca.at@1@2Vorlage:Toter Link/www.austriaca.at (Seite nicht mehr abrufbar; Suche in Webarchiven)

Literatua

• Günther Petersen: Harmonium und Teufelsgeige, 1992, Schillinger Verlag
• Manfrid Ehrenwerth: Teufelsgeige und ländliche Musikkapellen in Westfalen. Waxmann, Münster 1992, ISBN 3-89325-983-X

Im Netz

• D Spieltruchn: Teufels- oder Saugeige

Youtube

• Deifesgeing Boogie (Youtube)
• Highway to Hell (ACDC), Melibokus unplugged und a Deifesgeing (Youtube, nua da Ofang is steht schiaf)
• Deifesgeing Seminar (Youtube)