Schlacht vo Dong Xoai
| Schlacht vo Dong Xoai | |||||||
|---|---|---|---|---|---|---|---|
| Tei vo: Vietnamgriag | |||||||
| |||||||
| Konfliktparteien | |||||||
 FNL (Viet Cong)
|
 Südvietnam USA
| ||||||
| Befejshoba | |||||||
| Le Trong Tan | Cao Van Vien, Charles W. Williams | ||||||
| Truppmsteakn | |||||||
| 1.500+ | 10.000 | ||||||
| Valuste | |||||||
| 700+ Doude und Valezde | ARVN: 1.190 Doude und Valezde, USA: 7 Doude, 15 Valezde und 13 Vamissde | ||||||
De Schlacht vo Dong Xoai is no ganz fria, am Ofang voum Vietnamgriag gwen. Z Dong Xoai is domois a grouße Garnison vo da ARVN gleng gwen und mid an Ogriff afs Laga hod koana grechnad kod kobt.
Z Dong Xoai san Spezioioaheitn vo da ARVN gwen, de sejm a Landeboh kod hom. Nodäms am 25.Mai 1965 fiade gwen is, han glei grouße Truppmtei eigflong woan gwen. Scho fom easchdn Dog oo, hod da Vietcong den Stizbunkt mid Measafeia ogriffa kod, owa de Sidvietnamäsn homse nix gschissn kod, weis gmoand hom swara grod a Schdeafeia, a bekannte Vietcong-Taktik gwen.
Schlacht vo Dong Xoai
[Werkeln | Am Gwëntext werkeln]Glei no Mittanochd am 10. Juni hod des 272. Vietcong-Regiment ogriffa kod. A schwars Feia af Bunka und MG-Stejunga is gfoigt und bisd schaugst is da Vietcong scho ins Laga eidrunga gwen gwen. Iwaraschd und kobflous hom de ARVN-Soidadn koan oaganisiadn Widastand mea afbiatn kinna.
De gschwächdn Voteidiga homse no nom Befej vo am amerikanischn Milidäaberata, ins Zändrum voum Laga zruckzong kod. Am Omd zure, homd Amerikana no Lufdogriff af oi Vietcongstejunga gflong kod, aa mid Napoim. Owa de homse nimma vodreim lossn und hom im Gengzug mid Lufdoweafeia fahindat kod, das da Amerikana neie Truppm diaggad ins Laga eifliang ko. No hom de ere Soidadn aussahoi osezn miassn und san duad in zeidraubande Kämbf vawickld gwen. A weidas US-Badallion, ogsezd anam Flughafn in da weidan Umgebung, hodse afn Befej voum Genaroi Westmoreland afe, ned an de Kämbf bedeiligt kod.
Middlawei is dene im Laga langsam d Munizion ausganga und de Valezdn san omoi mera woan gwen. No homs am Omd bschlossn kod, das ewakuian woin.Owa dazua is nimma kumma gwen, weise da Vietcong am 11.Juni in da fria, gnauso iwaraschnd wira kemma is, wida zruckzong kod hod. De ARVN is schwar ogschlong zruck blim gwen, mera wia 800 Doude homs kod und a bo amerikanische Milidäaberata hods emfois dawischd kod.
Foing
[Werkeln | Am Gwëntext werkeln]No da Nidalog ba Dong Xoai hod se de sidvietnamäsische Regiarung frale gschamd kod und se hom widaramoi eiseng miassn, das de ARVN gengan Vietcong ka Schaas hod. Fiad Vietcong is de Schlacht a groußa Brobagandaeafoig gwen, aa wens des Laga sejm ned foistande eignumma kod hom. Owa se hom da ARVN widaramoi zoagt kod, wo da Bartl an Most hoid.