Servus

Servus, aa Seavas oda Seas is a traditionölla, freindschoftlicha Gruaß in vün Ländan vo Middleiropa. Im Boarischn gheads zu de haifigstn Gruaßweata. Des Wuat kummt ausn Lateinischn (servus, lat: „da Sklave“, „da Diener“) und bedeit in Kuazfuam „I bin dei Diena“ oda „zu Dienstn“, wos af de lateinische Gruaßformel „servus humillimus (domine spectabilis)“ zruckgeht.

Seavas wiad zua Begriaßung und zua Vaobschiedung vawendt, oladings isses in Wean nua iblich unda Leit, de wo se guat kena und a per du san.

Aundare Bedeitungen

• Sein Seavas druntasetzn bedeit: aan Briaf untaschreim
• „Na seavas“ is im Boarischn a Ausdruck vo Eastaunen und is vermutlich a Verballhornung vom Ausdruck „Na so was“.