Selchn

Aus Wikipedia

Als Selchn wert as Håltpårmåchn van Fleisch (Spéck, Schweinshaxn, Wirst ...) mit Hilfe van Raach pezeichnt. Vórn Selchn wert as Fleisch gsuhrt (gepökelt), dés pedaitet, as frische Fleisch wert mit Sålz und Gwirzer eingriebm. As Sålz entziacht in Fleisch Flissigkeit; de wert in an Pehälter augfången unt ålm wieder ibern Fleisch góssn, uma 2 Wóchn lång. Nåcher a wert as Fleisch in der Selchkuchl (Selchkåmmer) aufghéngg unt drunter a dichter Raach gmåcht, am péstn mit Kranawethólz. Dés wert mindigstns 2 Mål in Tåg gmacht unt drei Wóchn lång óder lénger.

As Suhrn unt Selchn isch a Kónservierungsmethóde, as Fleisch wert af der Årt håltpår gmåcht. Haitzutåg wert as Fleisch industriell verårbetet.