Smörgåsbord
Smörgåsbord is a schwedisches Buffet, wo in Wiatshaisln und bei privatn Feian obotn wead. In Norwegen hoassts koldtbord ("koida Disch"), in Denemark sogt ma kolde bord.
Dees Wort 'smörgåsbord kimmt vo 'smörgås „Buddabrot“ und bord „Tisch“. De Wortwuazl 'smörgås (weatle: "Buttergons") kimmt aus da Zeit, wo de Leidln no sejm Budda gmocht ham. De Buddaflockn, wo beim Buddan noch obm kema, eainnan on weisse Gansln (gås), wo im Wossa schwimma.
Dees Buffet besteht aus schwedischn Spezialitetn, koidn und woarman Speisn. De Leidln duan si sejm bedeana. A traditionejs Smörgåsbord fongt mit Fischhoppn o. Nacha gehts mit woarman Speisn weida. Im drittn Tei gibt Kaas und Cracker und zan Obschluss griagt ma no Nochspeisn mit Obst und Kuchn. Es gibt owa a kloane Smörgåsbord, wos ned so vui Auswoi gibt.
A bsondas reichhoitige Variantn vom Smörgåsbord is des Julbord, wo ois traditionejs Festessn z Weihnochtn offariat wead.
Im Netz
[Werkeln | Am Gwëntext werkeln]
Commons: Smörgåsbord – Sammlung vo Buidl, Videos und Audiodateien