Soabischa Rundfunk

Der Artikl is im Dialekt Obaboarisch gschriem worn.

Logo vo da RBB-Ausgob

Soabischa Rundfunk (owasoabisch: Serbski rozhłos, niedasoabisch: Serbski rozgłos) hoaßt ma de Sendunga vom Mitteldeutschen Rundfunk (MDR) und vom Rundfunk Berlin-Brandenburg (RBB) in de zwoa soabischn Standadschprochn.

Radio

De Sendunga vom RBB wean Bramborske Serbske Radijo (boarisch: Brandnbuagisch-soabischs Radio) ghoaßn und kemma af Niedasoabisch vom RBB-Schtudio z'Cottbus. De Sendunga vom MDR hoaßn: Serbski Rozhłos (boarisch: Soabischa Rundfunk) und kemma af Owasoabisch vom MDR-Schtudio z'Bautzen.

Sendezeidn

As soabische Programm ko' ma ned ìn gonzn Dog long hean, sundan bloß fia a boa Schtund. In da restlichn Zeid wead af deane Fregwenzn jeweis a Montlprogramm vo da zuaschtändign Rundfunkonschtoit gschpuit. Unta de soabischn Sendunga wean bei MDR 1 aa de Jingles af soabisch eihgschpuit, donn hoaßt da Senda MDR Jedyn Radio Sakska.

vom Manda bis zum Fraida vo umma 5 bis umma 9 - Friahmagazin vom MDR
vom Manda bis zum Fraida vo umma 12 bis umma 1 - Programm vom RBB
- am Manda: Łužyca cora a źinsa (boarisch: D'Lausitz gestan und heit)
- am Diensda: Muzika – rad słyšana (boarisch: Musi - gean gheat)
- am Migga: Magacin k połudnju (boarisch: As aktueje Mittogsmagazin)
- am Dunnaschda: Łužyske impresije (boarisch: Lausitza Eihdrick)
- am Fraida: Muzika a porucenja (boarisch: Musi und Service)
vom Manda bis zum Fraida vo umma 7 bis umma 8 - Programm vom MDR
- Wiedahoiung vo da Sendung vo 12
- am easchtn Dunnaschda im Manat: as Jungdmagazin Bubak
am Manda vo umma 8 bis umma 10 af d'Nocht - Jungdmagazin Radio Satkula vom MDR
am Samsda vo umma 6 bis umma 10 - Friahmagazin vom MDR
am Samsda vo umma 12 bis umma 1 - Wiedahojung vom Jungdmagazin Bubak (bloß am Samsda nochm easchtn Dunnaschda im Manat)
Sunnda vo umma 11 bis umma hoiwa 1 - Famijnprogramm vom MDR
Sunnda vo umma hoiwa 1 bis umma 2 - Famijnprogramm vom RBB

Empfong

Fregwenz	Sendastandort	ERP	Programm außahoib vo da Sendezeid
93,4 MHz	Cottbus/Calau	60 kW	Inforadio
100,4 MHz	Hoyerswerda	30 kW	MDR 1 Radio Saxn (mid'm Regionoiprogramm vo Bautzen)

Feansehprogramm

Da MDR und da RBB hom jeda sei eigne Sendung af soabisch. Wei de Programme vo beide Onstoitn aa iwa d'Astra-Satellitn ausgschtroiht wean, ko' ma de Sendunga fost in gonz Eiropa ooschaung.

Am easchtn Samsda im Manat zoagt da MDR um 5 Minutn voa hoiwa 1 am Middoch (12.25 Uah) de Sendung Wuhladko „von Sorben für Sorben“ im MDR Feansehn. Da RBB zoagt sei soabischs Feansehmagazin Łužyca imma om drittn Samsda im Manat vo umma 2 bis umma hoiwa 3 am Nammedoch (14.00 bis 14.30 Uah) im rbb Fernsehen; a Wiedahojung gibts am Diensta draaf im Nochtprogramm.

Exteane Links