Sognefjellsveien
| Sognefjellsveien | |||
|---|---|---|---|
 Sognefjellsveien | |||
| Himmesrichtung | West | Ost | |
| Posshechn | 1434 moh. | ||
| Fylke | Sogn og Fjordane | Oppland | |
| Wossascheidn | Sognefjord | Otta→Glomma | |
| Toigmoana | Gaupne | Lom | |
| Ausbau | Reichsstroß 55 | ||
| Baut | 1936–1938 | ||
| Gebiag | Jotunheimen | ||
| Koartn (Sogn og Fjordane) | |||
| |||
| Koordinaten | 61° 34′ 28″ N, 8° 2′ 0″ O | ||
Da Sognefjellsveien is de hechstglengne Possstroß vo Noadeiropa und vabindt ois Tei vo da Reichsstroß 55 de beidn norwegischn Orte Gaupne und Lom. Da hechste Punkt liegt beim Fantesteinen in 1434 m Seehäh. De 110 km longe Stroß is oane vo de ejtastn Vakeahsvabindunga zwischn Ost- und Westnorwegn.
De Stroß is scho seit longa Zeid ois Hondlsweg gnutzt worn, iwa'n Hering und ondare Fiisch sowia Meeasoiz vo da Gstod ins Londesinnare und umkeaht Häute, Butta und Eisn vom Londesinnan zum Meea transpoatiat worn. Wegelogara hom in friahan Zeidn de Gengd unsicha gmocht und hom de Woantranspoate ausgraubt. Dohea kimmt aa da Noma vom Fantesteinen (boarisch: „Londstreichastoa“).
Noch zwoajährign Umbauoabatn, de vo oabatslosn Jugndlichn duachgfiaht worn san, hod de Stroß im Juli 1938 duachgehnd fian Autovakeah freigem wern kenna.
Im Winta ko da Sognefjellsveien weng da groußn Schnäämenga und da voaherrschndn Stiame ned bnutzt wern. De Wintasperre dauat vo Ofong Novemba bis Ofong Mai.
Im Netz
[Werkeln | Am Gwëntext werkeln]
Commons: Sognefjellsweg – Sammlung vo Buidl, Videos und Audiodateien