South Park

Aus Wikipedia
Seriendatn
Deitscha Titl: South Park
Originaltitel: South Park
Produktionslaund: USA
Produktionsjoar(e): seit 1997
Läng pro Foig: etwa 22 Minutn
Anzoi vo Foign: 325 in 26 Staffeln
Originoisproch: Englisch
Muse: Les Claypool / DVDA
Idee: Trey Parker
Matt Stone
Genre: Comedy, Zeichentrick
Erschtausstroiung: 13. August 1997
auf Comedy Central
Erschtausstroiung (de): 5. September 1999
auf RTL Television


Da South Park is a amerikanische Animationssendung vo Trey Parker und Matt Stone.

De Hauptfiguan san via Buam: Stanley „Stan“ Marsh, Kyle Broflovski, Eric Theodore Cartman und da Kenneth „Kenny“ McCormick. Da Kyle is a Jud und wiad oft vom Cartman driedzd. Wöcha wiedarum wegn seina Bladheit sekkiert wiad. Da Cartman is oiwei unguat und a Nazi, owa trotzdem mengdn fü Zuaschauer. Kenny stiarbt zu beginn da Serie in fast ajeda Foingn (bis zua finft Stoffl), oba lebt dann in da nächstn wieda. Er hot an roten Parka on und oiwei a Kapuzen auf (drunter hot er blonde Hoar) aus der nur de Augn aussaschaun, drum versteht da Zuaschaua ned, was er redt, owa de ondan Fümcharaktere vastehndn. In jeda Foing erlemd de hoid hirte Abenteuer. De Serie is fia Olle ab 16 Joar geeignet.

Entstehungsgschichtn vo South Park[Werkeln | Am Gwëntext werkeln]

Anfang[Werkeln | Am Gwëntext werkeln]

Di Entstehungsgschichtn beginnt 1992, ois zwoa Studenten da University of Colorado (Trey Parker und Matt Stone) a Weihnachtskuazfüm gmocht homn: Jesus vs. Frosty. Nachdem Brian Graden vo FOX de Kuazfuim gsengan hot, hot ea de beidn beauftragt, a zwoatn soichn Kuazfuim z mochn, um se seinen Freindn ois Weihnochtskoatn z sendn. Im zwoatn Weihnochtskuazfuim Jesus vs. Santa homn di Charaktere scho vui mehr wie di Charaktere in South Park ausgschaut. Di Charaktere homn ausgschaut und gsprochn wie in da easchtn South Park Foign. Da Weihnochtskuazfuim wurde aa in d South Park Foign ... und keiner lacht am Weihnachtsabend vawendet. Diesa Kuazfuim hot si sehr schnöö durchs Intanet vabreitet. Da Senda Comedy Central hot si fia de Weihnochtskuazfuim interessiert und woite, dass di beidn so a Serie fia ihren Senda mochn: South Park. Am 13. August 1997 wuade di easchte Foign vo South Park dann zum easchn Moi ausgstrahlt.

Di Anfangsmusi is vo Primus gschriam woan. Stone und Parker san große Fans vo Primus und homn Les Claypool a Brief gschriam, in dea si ihn gebeten homn, di Anfangsmusi z schreiwn[1].

South Park: Größer, Länger und Ungeschnitten[Werkeln | Am Gwëntext werkeln]

Da Kinofuim vo South Park South Park: Größer, Länger und Ungeschnitten (engl.: South Park: Bigger, Longer and Uncut) kam im Joar 1999 ausse. Es hot an Joar gedauert, den Fuim zu produziean[2]. Zeascht woitn di Mocha vo South Park den Fuim "All Hell Breaks Loose" aba die American Movie Association hot es Wegen de Wuat "hell" ned zuaglossn. Darauf homn di Mocha de Titl "Bigger, Longer and Uncut" vuagschlogn, wos eigtl. a Anspielung fia a Penis woa ("größer, länger und unbeschnitten"), wos die American Movie Association ned gmerkt hot. Ois es ihnen aufgfoin is, woa es scho zu spät de Titl zu ändan[3].

2002 hot da Fuim a Guinness Buch da Rekorde Eintrog fia de Fuim mit de meistn Schimpfweatan gkriagt. Des Wuat "fuck" is 146 und "shit" 79 moi vawendet wurn.

Beleg[Werkeln | Am Gwëntext werkeln]

  1. southpark.de - Matt Stone & Trey Parker
  2. South Park Studios FAQ. Archiviert vom Original [1] am 11. Septemba 2012; abgerufen am 16. Januar 2010.
  3. South Park: Bigger, Longer & Uncut blu-ray Kommentare

Im Netz[Werkeln | Am Gwëntext werkeln]