Spritzkork

Aus Wikipedia
Der Artikl is im Dialekt Weanarisch gschriem worn.

Spritzkork is a Isoliadichtstoff aus an mit Klebstoff bundenen Korkschrott fia de Schoi- und Wärmedämmung, dea vüseitig eingsetzt wean kaun.

Ea is sinnvoi fia de Abdichtung vo Anschlussfugn zwischn Festerrauhmen und Mauerweak, an Tian, an Trennwändn und aundarn Bauelementn. De Dichtmassn is owa aa zum Ausspritzn vo Dehnungsfugn bei da Verlegung vo Fuaßbödn guad vawendboa.

Spritzkork besteht aus feinan Korkschrot und an elastischn Bindemittel. Meistens is aa no dispersionsvagütet. Duach de vüün luftgfütn Zöin im Korkgranulat wiads zum Isoliamaterial, des den Wärme- und Köitndurchgaung mindat und aa no a schoidämmende Wirkung erzüüt. Spritzkork is aankomponentig, zähplastisch und staundfest. Ea kaun mit da Fugnpistoin oda vo Haund vaorwat wean.

Waunst nua a Wengal brauchst, kaun Spritzkork duach Zakleinern vo Floschnkorkn in ana Kuchlmaschien und Vamischen mit Gummi arabicum söwa heagstödt wean.