Stoahem

Aus Wikipedia
Wexln zua: Navigation, Suach

Stoahem oda Stoalupfa (Steinheben) is aa boarische Kraftspoatoat ba dea a Stoa vum Bodn ghom wern muass.

Friacha hod ma dazua oanfoch grousse Stoana ned vawendt, de ma mit de Händ a wengal vum Bodn hem hod miassen. Seit 1890 wern zweng da Vagleichboakeit Hebemaschinen vawendt, mid an festn Podest und Gwichtsquada mid an eigorbatn Griff.

Heit wiad zum Stoahem a Granitklotz heagnumma, dea fimf Zentna und acht Pfund schwaa is. Es gähd dann darum den Stoa meglichst hoch zum hem. Da Spoatla stähd dabei broad afm Podest, wo in da Mittn da Stoa vasenkt is. A Ozoag misst de Hubleistung.

Da Stoalupf-Rekord liegt bei 1,28 Meta Hächn und wiad woahscheinli fir de Ewigkeit gejtn. Zua Schonung vo de Athletn is seit 1989 ba da Metamarkn a Sperrn einbaut. Seitdem wean Zuasotzgwichta (Bleiplattn mit je 25 Kilo) vawendt, um an Siega ba de boarischn, oipnländischn, deitschn und intanationaln Moastaschoftn z'bstimman: Wer dees schwaaste Trumm am hechstn hebt, gwinnt.

Schau aa Listn vo boarische Spoatoatn

Im Netz[VE | Weakln]