Stony Brook

Aus Wikipedia
Wexln zua: Navigation, Suach
Stony Brook
Stony Brook Center.jpg
Log in New York
Stony Brook (New York)
Stony Brook
Stony Brook
Basisdatn
Stoot: Vaeinigte Stootn
Bundesstaat: New York
County: Suffolk County
Koordinatn: 40° 54′ N, 73° 8′ W40.906388888889-73.12833333333350Koordinaten: 40° 54′ N, 73° 8′ W
Zeitzone: UTC-5
Einwohna: 13.740 (Stand: 2010)
Bevejkarungsdichtn: 916 Einwohner je km²
Flächn: 15,4 km²
davon 15,0 km² Land
Hächn: 50 m
Postleitzoin: 11790, 11794
Vorwoi: +1 631
FIPS: 36-71608
GNIS-ID: 0966524

Stony Brook is a Ort on da Noadküste vo Long Island im US-Bundesstoot New York. Ea hod 13.740 Eihwohna (2010). Bekonnt is Stony Brook voa oim fia de State University of New York at Stony Brook ('Stootliche Universität vo New York z Stony Brook').

Eadkund[VE | Weakln]

Stony Brook hod a Fläch vo 15,4 km², davo 15,0 km² Lond- und 0,4 km² Wossafläch. Da Stony Brook Harbor is a sumpfige Bucht vom Long-Island-Sund (Long Island Sound). Do liegt aa de Insl Youngs Island und da kloana städtische Strond Sand Street Beach.

Gschicht[VE | Weakln]

Im Gebiet vom heitign Stony Brook hom voa da eiropäischn Besiedlung de Setalcott-Indiana glebt. Da Gegend homs en Nom Wopowog (Lond on de Wossaenga) gem ghobt.

Anno 1660 hods de easchte eiropäische Siedlung gem, de wo 1685 zum easchtn Moi urkundli eawähnt worn is.

1884 is da Noma vo "Stoney Brook in" "Stony Brook" gändat worn.

Um de Joahundatwende woa Stony Brook zeitweis a beliabta Tourismusort. Wia des wieda voabei woa, hom de Bewohna voa oim vom Fiischfong glebt.

1939 hod da Gschäftsmo Ward Melville aus Stony Brook a Entwicklungsprogramm fia Stony Brook ins Lem gruafa. Seitdem is mid Stony Brook wieda beagauf gonga. Da Ort hod a neies Zentrum eahoidn, und zwoa im amerikanischen Baustui vom 19. Joahundat. 1957 is de Universität grindt woan und 1962 auf a Grundstick in Stony Brook umzong, des wo da Melville gspendet hod. De Universität is etz da domniarende Faktor in da Gegend.

Vakea[VE | Weakln]

Stony Brook liegt on da New York State Route 25A.

Es gibt aa a Station vo da LIRR (sog „L-I-double-R“; Obkiazung fia Long Island Rail Road). Da Hoitepunkt liegt zwischn Port Jefferson und Penn Station.

Sengswiadigkeitn[VE | Weakln]

Galerie[VE | Weakln]

Berihmtheitn[VE | Weakln]

  • George Booth: New Yorker Cartoonist
  • Kevin James: Komika, Schauspuija, Synchronsprecha und Drehbuchautor (Doug Heffernan in da Sitcom King of Queens)
  • Karsh Kale: Musika, Produzent, Komponist vo indischa Musi
  • Michael Kimmel: Soziologe, Dozent on da Stony Brook Universität, Hrsg. vom Journal International Encyclopedia of Men and Masculinities.
  • Stan Lee: Superhäidncomics, u.a. Spider-Man
  • John Petrucci: Gitarrist, u.a. Dream Theater
  • R.A. The Rugged Man: Hip-Hop
  • Dee Snider: Sänga, Frontmo vo Twisted Sister (Heavy Metal)

Im Netz[VE | Weakln]

 Commons: Stony Brook – Oibum mit Buidl, Videos und Audiodateien