Surfleisch

A Schweinshaxn wiad eigsoizn (Heaschtölung vo an Parmaschinkn)

Surfleisch oda Suafleisch nennt ma a Fleisch, des wos duach eisoizn, oiso suan ('suren', 'pökeln'), hoitboa gmocht wuan is. Des Konserviarungsvafoan geht bis auf de Antike zruck. Dazua wiad heit in da Regl a speziös Soiz, s Suasoiz ('Pökelsalz') vawendt, des wos meistns a Mischung aus Kochsoiz und Natrium- bzw. Kaliumnitrit is. Suan kaun ma owa aa mit Kochsoiz alaa, des is zwoa gsinda, owa des Fleisch is daun weniga hoitboa.

Gschicht

Des Soizn und Suan vo Fleisch und Wuascht gheat zu de ötastn Konserviarungsvafoan iwahaupt. Fia Kina is des scho um 2200 v. Kr. nochgwiesn. In Eiropa woas fia Joahundate de anzige Methodn, um Fleisch fia längare Zeid hoitboa z mochn. In fost jedn Bauanhaushoit hods in da Speis a Soizfassl zum Eilogan vo Fleisch gem.

Beleg

• Martina Ortner, Franz Siegfried Wagner: Qualitätshandbuch Fleisch und Fleischerzeugnisse aus bäuerlicher Produktion, LFI der Landwirtschaftskammer Österreich

Im Netz

• National Center for Home Food Preservation - Curing and Smoking