Terroranschläg am 11. September 2001

Aus Wikipedia
Zur Navigation springen Zur Suche springen
Der Artikl is im Dialekt Westmiddlboarisch (Bayern) gschrim worn.
De brennandn Tiam vom WTC mit da Freiheitsstatue
Dia WTC-Tiam mit de Fligeroischlech
Hejfts!
s WTC nochm Einstuaz

De Oschläg am 11. Septemba 2001, (englisch: 9/11 oda Nine Eleven) woan a Serie vo 4 koordiniatn Sejbstmoadoschläg auf de USA z New York City und Washington am 11. Septemba 2001. An dem Dog hom 19 Terroristn vo da militantn al-Qaida via Vakeasfliega entfiaht. 2 Fliega san obsichtli in de Zwuillingstiam vom Word-Trade-Center z New York gflong woan. De zwoa Tiam san innahoib vo zwoa Stundn zammgstiazt. Da dritta Fliega is ins Pentagon z Arlington in Virginia einekrocht. Da viate Fliega is z Shanksville in Pennsylvania ogstiazt, nochdem de Passagiare de Terroristn on Bord ogriffan hom. Insgsomt san bei dena Oschläg ebba 3000 Menschn ums Lem keman.

Obfoige[VE | Weakln]

De Reihnfoig vo de Eaeignis:

Ortszeit Ereignis
8:46 Uhr Da Fluag AA 11 trifft an Noadturm vom WTC
9:03 Uhr Da zwoade Fliaga (Flug UA 175) trifft an Südturm
9:37 Uhr Fluag AA 77 fliagt ins Pentagon
9:59 Uhr Da Südturm stiazt ei
10:03 Uhr Obsturz vom Flug UA 93 bei Shanksville
10:28 Uhr Aa da Nordturm stiazt ei
17:20 Uhr WTC 7 stiazt ei

Opfa[VE | Weakln]

Bei de Oschläg san mindestns 2.975 ums Lem keman. De Opfazoi setzt si zamm aus

  • mindestens 2.746 Opfan in und on de zwoa Tiam vom WTC
  • 189 Opfan, de wo im Pentagon ums Lem keman san
  • 40 Opfa vo da Maschin, de wo z Shanksville, Pennsylvania, obgstiazt is

De Terroristn[VE | Weakln]

Olle 19 Flugzeigentfiara hom de Flig mit eanan Kloanom bucht. Des FBI[1] und da Bericht vo da parlamentarischn Untasuachungskommission hom foigende Terroristn gnennt:[2]

  • American-Airlines-Flug 11: Mohammed Atta (Pilot), Abdulaziz al-Omari, Satam al Suquami, Wail al Shehri, Waleed al Shehri
  • United-Airlines-Flug 175: Marwan Alshehhi (Pilot), Fayez Banihammad, Mohand al Shehri, Ahmed al Ghamdi, Hamza al Ghamdi
  • American-Airlines-Flug 77: Hani Handschur (Pilot), Khalid al Mihdhar, Majid Moqed, Nawaf al Hazmi, Salem al Hazmi
  • United-Airlines-Flug 93: Ziad Jarrah (Pilot), Saeed al Ghamdi, Ahmed al Nami, Ahmed al Haznawi

De Identität vo drei vo de 19 Terroristn is duach DNS-Spuan sicha bstätigt woan; weidane DNS-Spuan vo nein Leidln, de wo zu koam vo de bekonntn Passagia ghean, wean aa dena Terroristn zuagoadnet.[3] 15 vo eana woan Stootsbiaga vo Saudi-Arabien.[4]

Beleg[VE | Weakln]

  1. Der Spiegel 14. September 2001: FBI: Die Liste der 19 Attentäter
  2. 9/11 Commission Report S. 2-4 (pdf)
  3. CBS News, 17. August 2002: Remains Of 9 Sept. 11 Hijackers Held; Richard Willing, USA Today, 11. September 2006: About half of New York remains have been identified
  4. USA today, 6. Feba 2002: Official: 15 of 19 Sept. 11 hijackers were Saudi

Literatua[VE | Weakln]

  • Stefan Aust, Cordt Schnibben (Hrsg.): 11. September 2001. Geschichte eines Terrorangriffs. Deutsche Verlags-Anstalt, Stuttgart, 2002, ISBN 3-421-05656-0
  • Thomas H. Kean (Ed.): The 9/11 Commission Report. W W Norton & Co Ltd, New York, 2004, ISBN 0-393-32671-3 (engl.)
  • Richard Picciotto (mit Daniel Paisner): Unter Einsatz meines Lebens, Malik, Piper, Minga, 2002, ISBN 3-89029-232-1
  • Lawrence Wright: Der Tod wird euch finden. Al-Qaida und der Weg zum 11. September. 5. Auflog. Deutsche Verlags-Anstalt, Minga 2007, ISBN 3-421-04303-5. (amerikan. Original 2006)

Im Netz[VE | Weakln]

 Commons: Category:9/11 – Sammlung vo Buidl, Videos und Audiodateien

Multimedia[VE | Weakln]