Tour de Sol

Aus Wikipedia
Wexln zua: Navigation, Suach

De Tour de Sol is a Autorenna fir Autos und Foarzeige, de wo mit Solarandrieb und ned mit Vabrennungsmodor foarn. De easchde Tour de Sol is 1985 in da Schweiz duachgfiad worn. Organisiad hod des Solarmobilrenna da Schweiza Untanehma und Solarpionier Josef Jenni. Urspringle war de Vaonschdojtung ojs Werbeakzion fia de Firma vo Jenni konzibiad. Mid dera Aktion hod da Jenni zoang woin, dass d’Solarenergie ned nur in hoaße Lända funkzioniad, sondan aa in Middleiropa und sogar in de Schweiza Oipn. Beim da easchdn Etape von da Tour de Sol vo Romanshorn noch Winterthur han 73 Solarmobile am Schdard gwen. Gwunna hod des Solarauto alpha real, des da Autoherschdella Mercedes-Benz produziad hod.

Via Kategorien vo Foarzeig han zuaglassn gwen:

  1. Solarmobile ohne an Zuasatzodrieb
  2. Solarmobile mid am Zuasatzodrieb, das hoaßt Musklkrofd.
  3. "Seriensolarmobile", damid moana de Vaonschdojta, dass de Foarzeige oda Teile davo fir a Serienbrodukzion daung.
  4. Fahrzeige aus dera Kategorie hom kaum Beschränkunga in da Konschdrukzion, se sojtn aba umweldfreindle sei.

De zwoate Tour de Sol is vo Freiburg im Breisgau (Deitschland) noch Suhr im Aargau ganga. Dobei ham Solarfoarzeige ohne Zuasatzodrieb Spitzngeschwindigkeidn vo 120 km/h gschofft. Duachschnittsgeschwindigkeid hod 49 km/h bedrong. De ledschde Tour de Sol is 1994 vo de Vaonschdojter in da Schweiz duachgfiad worn.

Heid wird a Solarmobilrenna aa unta dem Nama Tour de Sol in de USA vo da Organisazion Northeast Sustainable Energy Association duachgfiad.

Beleg[VE | Weakln]