Tunnbröd
Tunnbröd (Dinnbrod) is a Fladnbrod aus Nordschwedn (Norrland). Uaspringle weads nua aus Wossa, gschmoizana Budda, Woaznmej und Soiz gmocht. Im Untaschied zan Knäckebrod is flocha und festa.
Ois Treibmiddl ko Geam oda Hiaschornsoiz vawendd wean. Da Doag wead mit am gnopptn Nudlhoiz so dinn wia megli ausbroadd. Dabei griagta a raue Obaflechn. Nacha weada za woachm oda hoartm Brod bocha.
S woache Tunnbröd wead aa wiar a Palatschinkn oda a Crepe gessn. A populeara Schnejfraas (Fast Food) z Schwedn is de Tunnsbrödrulle (Dinbrodroin), wo a Brodhering oda a Wiaschtl mit Eadepfepiree, Semf und Ketchup in a Tunnbröd eigroit wead. Zan traditionejn schwedischn Fischgricht Surströmming is Tunnbröd "Pflicht".