United States Senate

Aus Wikipedia
Zur Navigation springen Zur Suche springen
Senat
Siegl Senatssiiz Capitol
Logo Senatssiiz Capitol
Basisdatn
Siiz: Capitol, Washington, D.C.
Legislaturperiodn: 6 Joar
Easchte Sitzung: 1789
Obgeoadnate: 100
Etzige Legislaturperiodn
Letzte Woi: 8. Novemba 2016
Voasiiz: US-Vizepresident
Mike Pence (Rep.)
President pro tempore
Orrin Hatch (Rep.)
115th United States Senate.svg
Siiz:
  • Republikana 51
  • Demokratn 47
  • Unobhengige 2
  • Im Netz
    www.senate.gov

    Da United States Senate (Senat) is s Obahaus vom amerikanischn Parlament, em United States Congress (Kongress). S Untahaus is s United States House of Representatives (Representantnhaus).

    Da amerikanische Senat representiad d Bundesstootn vo da USA. A jeda Bundesstoot is mit zwoa Senatorn vatretn. Desweng gibts zua Zeit 100 Senatorn.

    S Capitol in da Stod Washington is da Siiz vom amerikanischn Parlament, em Congress, und damid aa da Siiz vom Senat. Genau gnumma huckt da Senat im Noadfligl vom Capitol.

    Funktion[VE | Weakln]

    Da amerikanische Senat spuit a wichtige Roin in da Gsetzgebung und hod a Kontroifunktion gengiba vom Presidentn. Dazua ghean de Ratifiziarung von internationain Vaträgn, d Anennung vo hochn Richtan und Regiarungsmitorbatan und s Amtsenthebungsvafoarn vom Presidentn. Fia a Impeachment (Amtsenthebung) brauchts a Zwoadriddlmeahheit im Senat, oiso mindastns 67 Stimm. D Initiative fia a Impeachment muas oba zeascht vom Representantnhaus kema. Da Senat ibanimmt nacha d Roin vo am Gricht.

    Da Vizepredident vo da USA is imma da President vom Senat. Ea hod in da Regl oba nua a representative Funktion. Sei Stimm zäit nua, wann a Obstimmung unentschiedn ausgäht. Da President pro tempore vatritt en Senatspredidentn, wann dea net do is. Des is in da Regl s deanstäitaste Midglied vo da Meahheitsfraktion.

    Im Netz[VE | Weakln]

     Commons: United States Senate – Oibum mit Buidl, Videos und Audiodateien