Wånderbamöista

Aus Wikipedia
Wexln zua: Navigation, Suach
Wanderbaumelster
Dendrocitta vagabunda -Kerala, India-8a.jpg

Wondabamöista (Dendrocitta vagabunda)

Systematik
Ordnung: Spaznfegl (Passeriformes)
Untaordnung: Singfegl (Passeri)
Famij: Romfegl (Corvidae)
Goddung: Bamöistan (Dendrocitta)
Oart: Wanderbaumelster
Wissnschoftlicha Nama
Dendrocitta vagabunda
(Latham, 1790)

De Wondabamöista (Dendrocitta vagabunda) is a Fogloat vu de Romfegl. S'is a groußa Vatreta vu de Bamöistan (Dendrocitta) und hod a schwoaz-weiß-brauns Gfida und an kuazn, kreftign Schnobl. Zum Vabroadungsgebiet vu dera Oat ghern as sidliche Pakistan, da indische Subkontinent und da greßte Teil vu Hinterindien. De Wonderbamöista kimmt vua oim im Woid und im Parkland vua, ma kos aba aa in da Stod und in Deafan findn. Wondabamöistan fressn vua oim Fricht, gloane Viecha und Aas. Heifig sans in Gruppn aus aner Famij oda am gressan Schwarm untawegs, de zammad noch Fressn suacha. Abhängig vu da geografischn Breitn dans zwischn Mäaz und Aprü zwoa bis sechs Eia ausbriatn. Wenn de Biwal gschlupft san, weans vu beide Öitan gfuadad.

Bschriem hod de Oat da John Latham im Joa 1790. Insgsamt gibts nein Untaoatn vu da Wondabamöista, aba d'Unterschied san fließnd. Wie vui Fegl s vu dera Oat gibt woaß ma ned gwieß, aber iberall wos voakimmt is a heifiga Fogl, nua in Vietnam ned. BirdLife International geht ned davo aus, daß de Wondabamöista gfährdet is. Fria hom de Inda en Fogl eana Kenig gschenkt.

Beleg[VE | Weakln]

  • Joseph del Hoyo, Andrew Elliot, David Christie (Hrsg.): Handbook of the Birds of the World. Volume 14: Bush-shrikes To Old World Sparrows. Lynx Edicions, Barcelona 2009, ISBN 978-84-96553-50-7.