Quöntext voh da Seiten Weanawoid auhschauh

{{Dialekt-oben|Ostmittelbairisch|Ostestarreichisch}}

{{Infobox Gebirgsgruppe
|KARTE=
|BESCHREIBUNG=Log vom Weanawoid innahoib vo de Ost[[oipn]]
|LAGE=[[Niedaöstareich]], [[Wean]]
|LAGE-GEBIRGE=[[Oipn|Noadoipn]]
|HÖCHSTER GIPFEL=Schepfe (Schöpfl) (893 [[Meta iwa da Adria|m&nbsp;i.&nbsp;A.]])
|BREITENGRAD=48/5/14/N
|LÄNGENGRAD=15/54/43/E
|REGION-ISO=AT-3
|BILD=Wienerwald34.jpg
|BILDBESCHREIBUNG=Da Weanawoid bei [[Hintabrüh|Spoaboch]]
|GESTEIN=Flyschzone/Koichoipn
|BESONDERHEITEN=UNESCO-Biosphärenpark]
}}
Da '''Weanawoid''' ([[Standarddeitsch|deitsch]]: '''Wienerwald''') is da noadestliche Ausleifa vo de Noad[[oipn]] in [[Niedaestareich]] und [[Wean]]. Ea is a 45&nbsp;km langs und 20–30&nbsp;km braads Middlgebiag, des wos zum gresstn Teu be[[woid]]ed is. Außadem is ar aans vo de wichtigstn Noheaholungsgebiet vo de Weana.

[[File:Anninger.jpg|thumb|320px|Blick vom Weanawoid (Hocha Lindkogl) af Wean (links)]]. 
== Geologie ==
Geologisch gseng is da Weanawoid in zwaa große Zonan aufteut: in Flysch-Weanawoid und in [[Koichstoa|Koich]]-Weanawoid. Danebn gibt’s aa no klaane Teule vo da Molassezone im Noadraund und tertiäre Becknoblogarungan im Ostn. Duatn im Ostn findt mar aa de [[Thermanlinie]], de natialiche Grenz zwischn Weanawoid und [[Weana Beckn]]. 

Da Flysch-Weanawoid ziagt si vo Klostaneubuag owe duachn Westn vo Wean und daun iwan grestn Teu vo da niedaestreichischn Seitn vom Weanwoid. De Staana im Flysch-Weanawoid san recht vüüfötig, zmeist sans a Koichmeagl, a Tonmeagl odar a Saundstaa. Typisch fian Flyschweanawoid san saunfte Laundschoftsfuaman und a teuweis recht saura Bodn, es kaun owa trotzdem oft koichhoitige Insln dazwischn gebm. Da Untagrund nimmt oft nua schlecht Wossa auf, es kau sei wauns regnt, dass a Haung ins Rutschn aufaungt.

Da Koich-Weanawoid laungt vom Zugbeag in [[Liesing]] iwa die Beagkettn vom Höllnstaa, [[Anninger]] und Lindkogl bis zum [[Peilstein|Peustaa]] im Sidwestn. Ea setzt si zmeist aus Koich und Dolomit zsaumm und is vüü truckana ois wia da Flysch-Weanawoid, weu s [[Wossa]] duachs de Karbonat-Staana schnöö duacherinnd. De Higln im Koich-Weanawoid haum oft recht steule und schroffe Häng.

== Woid ==
Da Flysch-Weanawoid is za 77 % a Laubwoid, vuar oim [[Buacha|Buachn]], [[Eichen|Oachn]] und Haabuachn. Danebm gibt’s, zmeist aupflaunzt [[Feichtn|Fichtn]], [[Tannen|Taunnan]] und [[Lärche|Lärchn]]. Im Siidostn da Koich-Weanawoid is za 46 % Nodlwoid, und zwoa in easchta Linie Schwoaz[[farchn|fähra]]baam. Da Schwoazfährawoid vo de Noadostoipm is a bsundara Lebmsraumtyp, in dem bsundare Pflaunzn und Viecha lebm und dens in dera Ausprägung nuar in Wean und Niedaestarreich gibt. De Schwoazfährabaam hod ma friacha fia s [[Baambeech|Bech]]n heagnumma.

Da Weanawoid is fia launge [[Zeid]] a ''Bannwoid'' und a adligs Jogdrevia gwest. A letzta Rest vo dera Zeid is da ''Lainza Tiergoatn'' in Wean, dea wos heid a effentlich zuagänglicha Wüdpark is.  In de Joa [[1870]] bis [[1872]] is da Weanawoid duachn ''Josef Schöffel'', in spodan [[Bürgermeister|Buagamasta]] vo [[Mödling]] knopp voa da Obhoizung grett worn. Heit is da Weanawoid gsetzli gschitzt. Ea is Teu vom '''Biosphärenpark Wienerwald''' und auf große Flächn ''Natura 2000'' Schutzgebiet.
Ziaka 20% vum Weana Gmoagebiet is bewoidt.

==Kuitualaund==
Im Weanawoid gibts 23 vaschiedane Oatn vo Wiesn, vo recht fette Glotthofawiesn iwa Feichtwiesn bis hii zu steppnoatige Trocknrosn. Friacha woan aa Huat[[woad|weidn]] recht heifig, se san owa duachn Struktuawaundl in da Launwiatschoft zmeist aufgebm wuan und zweng dem daunn mit Woid zuagwochsn. Auf de letzn Restln vo de Huatweidn schickt ma heitzdog wieda a Viech, zmeist [[Hausschaf|Schoof]], auf dass da uaspringliche Charakta vor dera Laundschoft dahoidn bleibt. De Osthäng vom Weanawoid, auf da [[Thermenlinie]], san a bekaunntes [[Wein|Wei]]baugebiet.

== Im Netz ==
* [http://www.bpww.at/ Biosphärenpark Weanawoid]
* [https://web.archive.org/web/20090614223734/http://wienerwald-online.at/index.htm?geo%2Fhtm%2Falpen.htm Weanawoid Netzseitn]

{{Commonscat|Wienerwald|Weanawoid}}

[[Kategorie:Nördliche Kalkalpen]]
[[Kategorie:Wienerwald| ]]
[[Kategorie:Region in Niederösterreich]]
[[Kategorie:Region in Wien]]
[[Kategorie:Biosphärenreservat in Europa]]
[[Kategorie:Artikel auf Wienerisch]]