Wellandkanoi

Aus Wikipedia
Wexln zua: Navigation, Suach
John B. Aird im Wellandkanoi, neadli vo da Garden-City-Skyway-Bruck
NASA-Bild: Links da Wellandkanoi, middig de Niagarafäj

Da Wellandkanoi (dt.: Wellandkanal, engl.: Welland Canal) is a Groußschifffoahtsweg in Kanada.

Dea om 6. August 1932 eaeffnde 43,4 km longe, 80 m broade und mindestns 8,2 m tiafe Kanoi vabindt'n Eriesee bei Port Colborne midm Ontariosee in Saint Catharines und duachquead dobei de Niagara-Schichtstuafn, wofia ocht Schleisn nedig san. Ea buidt oan Tei vom Sankt-Lorenz-Seeweg und diand zua Umfoahrung vo de Niagarafäj.

Da Kanoi is fia Schiffe vo da Seawaymax-Klass mid ana maximoin Läng vo 225,6 m und ana Häh vo max. 35,5 m ausglegd. De Duachfoahd dauad duachschnittli ejf Stundn.

Schleisn[VE | Weakln]

Schleise 7 in Thorold

Voa de kanadischn Umbautn im Rohma vom St.-Lorenz-Seeweg woan gonze 22 Schleisn nedig. Heit iwawindt da Kanoi mid de ocht 24,4 Meta broadn Schleisn oan Hähnuntaschied vo 99,5 Meta.

De letzde Schleise zwischn'm Welland-River undm Eriesee is nedig, do de Wossahäh im See stendig schwonkd. A soiche Schleise, de Untaschiede im Wossalevl kontroiiad, wead Guard lock gnennd.

Welland By-Poss[VE | Weakln]

Da Welland-By-Poss

Da Umgehungskanoi Welland By-Poss biatd a direkte Vabindung zwischn Port Robinson und Port Colborne. Dobei wead Welland umfoahn. Ea is 13,4 Kilometa long.

Im Netz[VE | Weakln]

 Commons: Wellandkanal – Oibum mit Buidl, Videos und Audiodateien

43.056111111111-79.212222222222Koordinaten: 43° 3′ 22″ N, 79° 12′ 44″ W