Westmorland
Westmorland is oane vo de 39 traditionejn Grofschoftn vo England. Haptorte vo da Grofschoft san: Ambleside, Appleby-in-Westmorland (da Vawoitungssiez), Kendal, Kirkby Stephen, Milnthorpe und Windermere. Za Westmorland ghean große Tei van Lake District National Park.
1974 is Westmorland zamm mid Cumberland sowia Tein vo Lancashire und Yorkshire za da neien Grofschoft Cumbria vaeinigd worn.
Ondas ois de meisdn ondan Grofschoftn, de in hundreds untateid worn san, woa Westmorland in zwoa Baronschoftn (engl.: baronies), Westmorland (monchmoi aa: Appleby) und Kendal, untateid. Diese wiedarum hom aus je zwoa wards: East ward und West ward in Westmorland und Kendal ward und Lonsdale ward in Kendal bstondn.
Westmorland:
- East ward - Appleby, Brough, Kirkby Stephen, Orton, Tebay
- West ward - Askham, Bampton, Barton, Patterdale, Shap, Yanwath
Kendal:
- Kendal ward - Ambleside, Burton-in-Kendal, Grasmere, Grayrigg, Kentmere, Kendal, Windermere
- Lonsdale ward - Kirkby Lonsdale
Westmorland wead weidahi ois Gebietsnam bnutzd. So gibd's: de Westmorland Gazette, de Westmorland County Agricultural Show und a Westmorland Shopping Centre.
Schau aa
[Werkeln | Am Gwëntext werkeln]- Earl of Westmorland, eablicha Adlstitl, dea zwoamoi in da Peerage of England gschoffn worn is
Koordinaten: 54° 30′ N, 2° 35′ W