Weda

Aus Wikipedia
(Weidagloadt vo Wetter)
Blizz und Duna

Weda (dt.: Wetter, engl.: weather; vo ohb.: wetar = Wind, Waan) is a kuazfristiga Zuaschtond in da Atmosphea on an bschtimmdn Ort af da Eadn. Des ko z. B. Sunnaschein, Woikn, Reng, Wind, Hitz oda Kejtn sei. Weda gibds owa aa außahoib vo da Eadn im Wejdraum, z. B. ois Sunnawind (dauanda Fuzalausschtoß vo da Sun, wo duachs gonze Sunnasystem waad) oda af olle Planetn, de wo a Atmosphea hom.

Wei ma Weda jedn Dog sejm gschpian und mid de Foing lem miassn, woa des fian Menschn scho imma a wichtigs, jo sogoa iwalemswichtigs, Thema.

Weda und Klima[Werkeln | Am Gwëntext werkeln]

  • Wedalog is da Wedazuaschtond in an gressan Gebiet, wo se ned so schnej endad
  • Widdarung is da Wedazuaschtond iwa meahrane Dog oda Wocha
  • Klima is da tippische Oblaf vo da Widdarung iwa a Joar in ana Region

Wedatreiwa[Werkeln | Am Gwëntext werkeln]

De Uasochn vom Weda san lezdn End imma de Enagie, de wo vo da Sun ausgähd und de Bewegung vo da Eadn um de Sun und um de oagne Axn. So entschtenga dauand Temparatuauntaschied, Luftdruckuntaschied, Vadunstung und Wind, de wo as Weda otreim.