Wikipedia:Moanungsbuida/Admin-Wiedawoi

ACHTUNG:
Des Moanungsbuid is no in Vorbereitung, bitte no NED obstimma. Bittschee de Diskussion zum Thema af da Dischkriaseitn fian. Danke.
Des MB is in da erstn Entwurfsphase, da Antrog no ned formuliat.

Intro

In oana Demokratie gibts in da Regl koane Ämta auf Lebmszeit.

Des Moanungsbuid soi dahea de Meglichkeit vo oana Wiedawoi auf Otrog fir Admins einfian (vgl. Vorbuid deWP).

Zui vom MB

Des Moanungsbuid wui de Meglichkeit fia a Wiedawoi auf Otrog fia olle Admins ois vabindlich etablian.

Wann a Admin des Vatraun vo da Gmoa (Community) nimma hod, kon a zua Wiedawoi voagschlogn wean, ohne dass a eindeitiga Missbrauch vorliagn muass.

Auswertungsmodalitätn

Es gejtn de Wikipedia:Woiregeln. Ois Stimmen gejtn Einträg vo stimmberechtigtn Benutzan unta de Optionen I stimm dem Otrog zua, I lehn an Otrog ob und I lehn as Moanungsbuid insgsamt ob, ned oba Enthoitungen.

Es gejtn fia olle Frogn de oafochn Meaheitn.

Umsetzung

Wann des Moanungsbuid ognumma wead, dann is fir olle Administratoren de Wiedawoi auf Otrog nach dem untn beschriebenen Verfohrn eingfiaht.

Otrog

An geeigneta Stej unta Wikipedia:Administratoren wead eingfigt:

• Administratorn kena iwa a Wiedawoi bestätigt oda obgwejt wern. A Wiedawoi erfoigt zu de im Foigenden beschriebenen Bedingungen.

• A Otrog auf Wiedawoi muass iwa a Moanungsbuid eafoign. Des Otrogs-Moanungsbuid lafft so lang bis 4 stimmberechtigte Benutzer am Moanungsbuid zuastimma, maximal owa 4 Wocha. Gegnstimmen oda a Oblehnung is ban Otrogs-Moanungsbuid ned zualässi.
• Zum Admin-Wiedawoi-Otrog muass a Begrindung ogebm wean, z.B. Missbrauch vo de Admin-Rechte, Vertrauensverlust etc. Es is winschnsweat, dass de Begrindung aa no gnaua beschriem wead. Es is owa jede Begrindung zualässi. De Untastitza vom Otrog miassn da Begrindung zuastimma.
• Wenn a Admin easchtmolig gwejt oda in oana Wiedawoi bestätigt worn is, deafa a Joar lang ned zua Wiedawoi voagschlogn wean, ausgenommen er setzt seine Sondarechte ois Administrator missbraichle ein. Bei am Missbrauch vo de Sondarechte ko jedazeit iwa a Moanungsbuid a Otrog auf Wiedawoi gstejt werdn. In so am Foi muass da Missbrauch kloar beschriem und duach Diff-Links belegt wean.

Obstimmung

I stimm am Otrog zua

1. ...

I lehn am Otrog ob

1. ...

I lehn as Moanungsbuid ingsamt ob

1. ...