Woody Schabata
| Der Artikl is im Dialekt Weanarisch gschriem worn. |
Woody Schabata (* 28. August 1955 in Wean) is a österreichischa Jazz-Mallet-Spüla.
Schabata hod an da Musikhochschui und am Konservatorium vo da Stod Wean sowia a Joa laung am Oberlin College in Oberlin (Ohio, USA) studiat. Vo 1978 bis 1987 wora Mitglied vom Vienna Art Orchestra, mit dem wosa mearare Wödourneen untanumman und mearare Albn aufgnumma hod.
Ea hod Konzerte mit Joe Zawinul und Dave Brubeck gem und in vüün eiganen Gruppn und Projektn mitgwiakt, beispüsweis Roland Batik (Bridges), Ernst Jandl, Peter Henisch, Helmut Lohner, in Ensemble Wien und Rudi Josel, Wolfgang Puschnig, Robert Weiss, Hans Zinkl und im Art of Brass Ensemble. 1986 is bei PolyGram sei Soloalbum May-Rimba aussakummen.