Woody Woodpecker

Aus Wikipedia
Wexln zua: Navigation, Suach

Da Woody Woodpecker (im deitschn Raum hoda friacha aa Hacky der Specht ghaaßn) is a Comicfigur, de si da Walter Lantz ausdenkt hod.

Figua[VE | Weakln]

Da Woody is a Höömspecht, dea bsundas mid sein penetrantn bis varucktn Auftretn auffoit, obaraa wegn sein markantn Lachn. Uaspringlich hoda blaue Fedan ghobt, an rotn Bauch, zwaa Zähnt im Schnobe und ziemlich dicke Haxn. Oba ob de 40-a Joa hoda daunn so ausgschaut, wiara heit no ausschaut: midan rotn Schopf, mid blaue Fedan, an weißn Bauch und an Schnobe ohne Zähnt. Fligln hoda kaane, des san seine Händ mit drei Finga und an Daam.

Vaeffentlichung[VE | Weakln]

De Trickfüüm min Woody Woodpecker san vom Walter-Lantz-Animationsstudio produziat und von de Universal Studios obm 25. November 1940 ausegem wuan. In Leztn haums 1972 produziat. Seit 1957 siacht ma de Füüm aa maunchmoi im Feansehn.

Da easchte Füüm, in dem da Woody auftredn is, woa Knock, Knock (dt. Klopf, klopf). Do hodaroba no ned de Hauptroin gspüüt. Do boid haum ea imma mea Leit kennt. 1944 haums de Figua in The Barber of Seville weita ausgoaweit. Bsondas bekaunnt isaraa 1947 min Woody-Woodpecker-Song wuan, in dem wos sei berihmtes Lochn eibaut woa.

Zwischn 1947 und 1984 wua da Woody Woodpecker aa de Hauptfigua von mea ois 200 Comic-Heftln. In de Heftln hodara Famülie, de aus seina Freindin Winnie, seina Nichte Splinter und sein Neffn Knothead bstaundn hod. De Nichte hod ihre Kopffedan zu an Roßschwaaf bundn und trogt an Rock.

Aundare Figuan, de in de Woody-Woodpecker-Cartoons auftauchn, san Andy Panda, Buzz Buzzard, Wally Walrus und Gabby Gator.

Im Netz[VE | Weakln]