ZDF
| ZDF | |
|---|---|
| Sendalogo | |
 | |
| Oigmoane Info | |
| Empfang: | Analog: Kabel Digital: DVB-T, DVB-C, DVB-S, DVB-S2, IPTV |
| Sendeostoit: | ZDF |
| Aflesung: | 576i (SDTV) 720p (HDTV) (ZDF HD via Sat/Kabel/IPTV) 1080p (HDTV) (ZDF HD via DVB-T2) |
| Intendant: | Norbert Himmler |
| Programmchef: | Nadine Bilke |
| Sendebeginn: | 1. April 1963 |
| Rechtsform: | Öffentlich-rechtlich |
| Programmtyp: | Vollprogramm |
| Hoamseitn: | www.zdf.de |
Des ZDF (Zwoate Deitsche Feansehn) is a effentlich-rechtliche Feansehanstolt und zgleich aa a deitscher Feansehsenda. Des ZDF hot heit uma 3.600 Mitorbata. Es gibt aa Kanäle unta dem Nomn ZDFinfo und ZDFneo.
Programm[Weakln | Am Quelltext weakln]
De wichtigste Sendung im ZDF is de Nochrichtnsendung heute, de wos mermois am Dog ausgstroit wiad. Meistns uma 21:45 Uah gibt's a Journalausgob vo da heute untam Naman heute-journal. Es gibt a a Kuaznochrichtensendung von da heute-Redaktion untam Naman heute Xpress.
Olle zwa Wochn laffen unta da Wochn des ZDF-Morgenmagazin vo 5:30 Uah bis 9:00 Uah und des ZDF-Mittagsmagazin vo 13:00 Uah bis 14:00 Uah. Des ZDF-Morgenmagazin und des ZDF-Mittagsmagazin wechsln sie mit de Kollegn vom ARD-Morgenmagazin und vom ARD-Mittagsmagazin ob.
Manchmoi gibt's a Sport-Liveibatrogungan z. B. bei Wintasport, Fußboispüün etc., des lafft dann untam Naman ZDF-SPORTextra. Am Samsdog aufd Nocht gibts des aktuelle sportstudio, wo Livegäste zu Gost san und's hauptsächlich um de deitsche Fuaßboi-Bundesliga geht. Am Sundog gibt's untam Naman ZDF-Sportreportage nuamoi a sportliche Zammfossung vom Wochnend.
Am Wochenend und am Feierdog in da Frua gibt's Kinderprogramm unta da Programmarken ZDFtivi.
A bekannte Krimiserie, de im ZDF ausgstroit wird, is De Rosnheim-Cops. De neichn Foign werdn imma am Dienstogobnd um 19:25 Uhr zoagt und ödare Foign im Nachmittagsprogramm.