Zamioculcas zamiifolia
| Zamioculcas zamiifolia | ||||||||||||
|---|---|---|---|---|---|---|---|---|---|---|---|---|
(Zamioculcas zamiifolia) | ||||||||||||
| Systematik | ||||||||||||
| ||||||||||||
| Wissnschoftlicha Nama der Goddung | ||||||||||||
| Zamioculcas | ||||||||||||
| Schott | ||||||||||||
| Wissnschoftlicha Nama der Oart | ||||||||||||
| Zamioculcas zamiifolia | ||||||||||||
| (Lodd.) Engl. |
Zamioculcas zamiifolia, a bekannt unda de saidn hergnumman Trivialnamn Gliggsfeda, Babbadeggl-Palme, „de Zz-Pflanzn“ oda aia irrefiahrend „Zamie“, is de einzige Oart vo de monotypischn Pflanzngattung Zamioculcas, de zua Famui vo de Aronstobgewaxa (Araceae) geheard. Sie is a pflegeleichts Zimmapflanzl.
Beschreibung[Werkeln | Am Gwëntext werkeln]
Zamioculcas zamiifolia is a ausdauands kraudigs Pflanzl. Aus an horizontal woxndn knoinoardign Rhizom kemmad Driebe aussa, de nua oa oanzigs unpaarig gfiderds Bladdl mid fünf bis achd Fiderpaarn buiden. De Stenglen vo dene Fidabladdln san am Grund stoark vodiggt. Wenn a Bladdl ostirbd, dann wearnd zerst oanzlne Fidapaare braun, und aus dem Stui wird da Soft so weit assazong, dass se 10 bis 15 Zandemeta iba dem Rhizom a Soibruchstai buid, an der des Bladdl dann obricht bzw. se laisd. Da digge Stumpf vom Stenglen bleibd no mehrare Joahr dahoidn.
Vorkemma[Werkeln | Am Gwëntext werkeln]
Des urspringliche Vobreidungsgebied reichd von Kenia bis KwaZulu-Natal.
Vawendung ais Ziapflanzl[Werkeln | Am Gwëntext werkeln]
Zamioculcas zamiifolia is seha pflegeleichd, weis mid weng Laid askimmd, oba a gean in laichde Zimma staid. Entsprechnd ihram Naturstandoad is a lengane Druggazeidn gewehd und muass dahea nua weng gossn wearn.[1]
Des Pflanzl beeindruggd bsondas duarch de diggn, dunglgruiana, glenzadn Bladdln. Duarch ihra kräftigs Gruia is voa allm fia offane, laichde Zimma geeigned. Je laichda da Standord, desto schnaia woxsds und desto laichda wearnd d Bladdl. Wird s schaddig gestuid, woxsds zwa a bissl langsama, dafia endwiggln d Bladdl a saggrisch kräftigs, dungls Gruia.
Glegendle endwiggln se laichde, koimoardige Blai, wais fia Araceae typisch san.[2]
Vomehrn lousd sa se unda andarn iba Steggling vo de Bladdl, wofia ma oanzlne Fiedabladdl (koane ganzn Aslega) direkt in d Eard steggd oda in a Glassl mid Wossa eine stuid. Nach a weng Zeid wernd Knoinna dro, aus denne wiedarum Wiazl woxnd. Wearnd alle Fiedabladdl von oan Bladdlstui wegga do, kann ah dea ogschniddn und af de gleiche Oard zua Vomehrung gnutzt wearn. Des dauerd zwar recht lang (ebba a Joahr), dafia is dea ersde Trieb scho vogleichsweis grouß.
Middlawei gibts a panaschierde Variandn, de Zamioculcas zamiifolia 'Variegata'. De saibige woxd oba afgrund iras geringan Andeils an Chlorophyll wenga und vogleichsweis saiddn. Im Vogleich zua normaln Foarm is de saiddnare panaschierte Gliggsfeda wesendle deiara und aiha fia Sammla indaressand.
Taxonomie[Werkeln | Am Gwëntext werkeln]
De Earstvoeffndlechung vo dem Pflanzl hod da Conrad Loddiges gmocht und hod den Nomma (Basionym) Caladium zamiaefolium eigfiard. De Naikombination zua Zamioculcas zamiifolia) Engl. is 1905 vo n Heinrich Gustav Adolf Engler voeffndlecht woran. Weidane Synonyme fiar Zamioculcas zamiifolia ) Engl. san: Zamioculcas loddigesii , Zamioculcas lanceolata .
Weblinks[Werkeln | Am Gwëntext werkeln]
- Vamehrung vo da Zamioculcas zamiifolia
- Datnbladdl Zamioculcas zamiifolia bei zimmerpflanzenlexikon.info.
Quaina[Werkeln | Am Gwëntext werkeln]
- ↑ L'Ami des Jardins (Hrsg.): Klimapflanzen im Haus: Gesundes Wohnen mit entgiftenden Zimmerpflanzen. Bassermann Verlag, München 2012, ISBN 978-3-641-67900-2, S. 20 (Eingeschränkte Vorschau in da Google Buachsuach).
- ↑ David Deardorff, Kathryn Wadsworth: What's Wrong With My Houseplant?: Save Your Indoor Plants With 100% Organic Solutions. Timber Press, Portland, OR 2016, ISBN 978-1-60469-736-0, S. 120 (Eingeschränkte Vorschau in da Google Buachsuach).
Referenzfehler: Das in <references> definierte <ref>-Tag mit dem Namen „WCSP“ wird im vorausgehenden Text nicht verwendet.