Ziprofloxazin

Aus Wikipedia
Der Artikl is im Dialekt Owaöstareichisch gschriem worn.
Struktafoami
Strukturformel Ciprofloxacin
Strukturformel Ciprofloxacin
Oigmeines
Freinaum: Ciprofloxacin
genaue chemische Bezeichnung: 1-Cyclopropyl-6-fluoro-1,4- dihydro-4-oxo-7-(1-piperazinyl)- 3-chinolincarbonsäure
Summenfoami: C17H18FN3O3
CAS-Numma: 85721-33-1
ATC-Code:
DrugBank: APRD00424
Kuazbeschreibung schwoch göiba, puivaföamiga Feststoff[1]
Arzneistoffaungom
Wiakstoffklassn: Antibiotikum
Wiakmechanismus: Gyrasehemma
Fertigpräparate: Ciprobay®
vaschreibungspflichtig: jo
Eignschoften
Molare Masse: 331,34 g·mol−1
Sichaheitshinweise
Gfoahnstoffkennzeichnung[1]
ka Gfoahnsümboi
R- und S-Sätze: kane
Bitte beochten'S d'eigschränkte Güitigkeit vu da Gfoahnstoffkennzeichnung bei am Arzneimittel!
LD50: 122 mg·kg−1 (Maus i.v.)[1]
WGK 2 (wossagfäahdnd)[1]
Soweids megli und gbräichli is, wean SI-Einheitn vawendt. Wauns ned aundas vameakt is, göitn de augemnen Datn bei Standardbedingungen.

Ziprofloxazin (aa Ciproflaxacin) is a Antibiotikum mid am großn Wirkungsspektrum, des aus da Gruppm vu de Fluorchinolone kimmd. De Substanz is 1981 vu da Firma Bayer entwückid im 83a-Joa patentiad woan. Seithea wiads vu Bayer ois „Ciprobay®“ (Haundlsnaum) vamoakt. Antibiotika vu dea Gruppm hemman d'Gyrasn vu Bakterien und damid aa eana Eabinfoamazions-Vavüivöitigung und eana Zöiteilung. Damid is s'Ziprofloxazin bakterizid, und zwoa voa oim geng gramnegative Keime.

S'Ziprofloxazin eignet si guat geng olle bakterielle Errega vu am infektiösn Brechduachfoi. Außadem iss geng an Problemkeim Pseudomonas aeruginosa wiaksaum. Bei am vu Darmbakterien oda Pseudomonaden vauasochtn Harnwegsinfekt güits ois Reseaveantibiotikum. Weidane Ãuwendungsgebiete han Infektionen vu de Galln- und Atmwege, vu da Bauchhöhle und vu am Haufn aundare Infekzionskraungheitn aa, waun si a entsprechnd empfindlicha Errega nochweisn losst. Ziprofloxazin is aa zua Behaundlung vum Müizbraund zuaglossn. Wia aa aundare modeane Chinolone kau s'Ziprofloxazin nem Makrolidn und Rifampizin zua Behaundlung vu ana dauch Legionellen vauasochtn Lungenentzündung eigsetzt wean.

De häifigstn Nemwiakungen (owa unta 10 %) san Üwikeit, Duachfoi und Hautausschläg. Fluorchinolone haum bei Vasuche mid junge Hund Knoapiwochstumsstöarungen vauasocht, weshoib mas in da Schwaungaschoft, in da Stüizeid und bei Kinda ned eisetzn soitad. S'Ziprofloxazin is weng seina Wiaksaumkeid geng Pseudomonas owa trotzdem zua Behaundlung vu Kinda ob 5 Joa zuaglossn, wauns a zystische Fibrosn mid akute Infekzionsschübe haum, de duach Pseudomonas aeruginosa vauasocht is. Weidare Nemwiakungen han Neuro- und Lewatoxizität und alleagische Reakzionen. Fluorchinolone kinan d'Wiaksaumkeit vu Empfängnisvahütungsmittl beeinträchting.

Ziprofloxazin in Tablettnfoam

Seah söitn kaus bei olle Gyrasehemma – aa noch kurzzeitiga Einnauhme – zum Riss vu ana großn Sehne, z. B. vu da Achillessehne kemma. Des kimmt eha bei oide Leid fia und bei Pazientn, die Kortikoide einehman. Eakläat wiad des mid ana stäakan Expression vu Matrixmetalloproteinasn, de d'Festigkeid vu de Sehnen vamindan.[2]

Ziprofloxazin wid zwoa Moi am Tog eignumma, meistns ois Tablettn. A noamale Dosis is (je noch Kraunkheitsbüid) 2×250 mg od 2×500 mg pro Tog. Zum kaufn gibts'is aa fia'd intravenöse Einnauhme oda fia'd öatliche äißere Ãnwendung (z. B. Oahntropfm).

Aanzlnochweis[Werkeln | Am Gwëntext werkeln]

  1. 1,0 1,1 1,2 1,3 Datnbladl fia Ciprofloxacin BioChemika, ≥98.0% (HPLC) – Sigma-Aldrich 20. Juli 2008
  2. Vyas H, Krishnaswamy G: Quinolone-associated rupture of the Achilles' tendon. New England Journal of Medicine 2007; 357 (20): 2067.

Im Netz[Werkeln | Am Gwëntext werkeln]

Biddschee en Hiiweis zu de Gsundheitstheman beochtn!
→ Dea Artikl basiad auf ara frein Ibasetzung vom säim Artike in da Wikipedia af Deitsch.