Zirmnuss

D Zirmnuss (dt. Zirbelnuss, engl. cembra nut) nennt ma en Zopfa vo da Zirm. Heint werd Zirmnuss oft aa nua fian Sama vawendt, traditionej is oba da gonze Zopfa gmoant.

Seit da Stoazeit werd d Zirmnuss ois Symboi gnuzt, meglichaweis mit phallischa Bedeitung, oba af jedn Foi ois Fruchtborkeits- und Unsterblichkeitssymboi. Im egyptischn Isiskuit hot d Zirmnuss a wichte Roin gspuit, wia aa im griachischn Kuit vom Dionysos und vo da Kybele. Bei d Rema woars a beliabts Symboi fia Grobstoana. In da katholischn Kira is d Zirmnuss a Symboi fia d Wiedaaufastehung.

Z Augschburg is d Zirmnuss im Stodwobbn (Stodpyr). Worscheins is iba d Rema do hii kema, wei fia d Legion af de wo d Grindung vo Augschburg zruckgeht, woar d Zirmnuss s Fejdzoachn. Z Augschburg findst d Zirmnuss af an Haufa Bautn in da Oidstod, so aa am Giebe vom Roodhaus.

Galerie

• 
  Zirmnuss realiter
• 
  A Zirmnuss ois Polla z Wean
• 
  A Zirmnuss an da Kanzl, Kira St. Michael z Obabechinga, Bayern
• 
  A Brunn z Santarcangelo di Romagna, Italien

Im Netz

 Commons: Zirmnuss – Sammlung vo Buidl, Videos und Audiodateien

• Zirbelnuss im Augsburg-Wiki
• Heinrich Marzell, Zirbe und Bergkiefer in der alpenländischen Namengebung