BMW

Aus Wikipedia

Bayerische Motoren Werke AG
Rechtsform	Aktiengsäischoft
ISIN	DE0005190003
Gründung	7. März 1916 als Bayerische Flugzeug-Werke
Firmensitz	Minga, Bayern
Gschäftsleitung	Norbert Reithofer, Vorstandsvorsitzenda Joachim Milberg, Aufsichtsratsvorsitzenda
Mitorbata	107.539 (31. Dez. 2007)
Umsatz	56,018 Mrd. EUR (2007)
Branschn	Automobilhersteller
Produkte	Automobui Motorradln Motorn Finanzdienstleistungen

De Bayerische Motoren Werke AG (BMW) san a boarischa Produzent vo Autos, Motorradln und Motorn. Da Hauptsitz vo dera Firma is in Minga im Freistaat Bayern. 2007 homs an Umsatz vo 56,018 Mrd. Euro einen Nettogewinn von 3,134 Mrd. Euro. Dea Konzern beschäftigt in da ganzn Wäid 107.539 Mitorbata und produziert 1.541.503 Automobui (davon 1.302.774 vo da BMW-Markn) sowia 103.396 Motorradln. De Aktie vo BMW is im DAX an da Frankfurta Wertpapierbörsn notiat.

Inhoitsvazeichnis 1 Gschicht 1.1 Zeittafe 2 Literatur 3 Weblinks

[dro werkln] Gschicht

Vorgänga und ursprünglicha Inhoba vom Namen BMW woqn de Rapp Motorenwerke de 1913 gründt woan san. 1917 homs den Nam in BMW GmbH umgwandlt und späda in BMW AG umgnennt. De Firma hod Flugzeigmotorn baut. 1917 homs an Flugzeigmotor mit Übavadichtung entwicklt, der dadurch bsondas hoch fliagn hod kenna. Drauf hod Preissische Heeresvawoitung 2.000 Motorn bestäit. Am 17. Juni 1919 homs mit ana BMW IIIa no hoamlich m 9.760 Meta an Höhnwäidrekord aufgstäit. Duach an Versailla Vatrog is de Firma owa stoak bedroht gwen, wei da Friednsvatrog fia 5 Joa s'baun vo Flugzeigmotorn vabotn hod. Deshoib hod da Hauptaktionär Camillo Castiglioni de Firma valossn, hod de Namensrecht mitgnumma und is zu de Bayerischen Flugzeugwerken (BFW) ganga, de dann an Namen BMW ognumma hom. De Firma de ursprünglich BMW ghoassn hod is zua Südbremse und späda zua Knorr-Bremse woan.

De Bayerischen Flugzeugwerke (BFW) san am 7. März 1916 ois Gustav-Otto-Flugzeiwerk vo Gustav Otto, an Sohn vom Eafinda vom Otto-Motor, gründt woan. Des guit heit ois offizielles Gründungsdatum vo BMW. Oba eascht 1922 mit'n Wechsl vo Camillo Castiglioni wean de Bayerischen Flugzeigwerke (BFW) offiziell zu BMW.

1923 hom da Friz Maxl und da Stolle Martin s'easchte BMW Motorradl, de R 32, entwicket. Da Friz Maxl hod fian Entwurf vo da R 32 nur fimf Wocha braucht. Bis heit is des Grundprinzip vo dem Motorradl dahoidn: Boxamotor udn Kardanotrieb im Dopperohrrahmen.

Ab 1924 san a wieda Flugmotorn produziat woan. Da Schienenzeppelin vo 1930 is durch an BMW-Flugzeigmotor otriem woan.

[dro werkln] Zeittafe

• 1916: Grindung vo de Bayerischen Flugzeig-Werke (BFW)
• 1917: Umnennung vo de Rapp-Motorenwerke in Bayerische Motoren Werke GmbH
• 1918: Umwandlung in a Aktiengsäischoft; Franz Josef Popp wird easchta Genaroidirektor (= Vorstandsvorsitzenda) vo BMW.
• 1922: Aus de Bayerischen Flugzeugwerke wird BMW
• 1923: Bau vom easchtn Motorrad
• 1928: De Fahrzeugfabrik Eisenach A.G. wiad ibanomma
• 1929: S easchte Automobui BMW 3/15 PS bzw. AM1 wia in Eisenach baut
• 1934: Ausgliedarung vo da Spartn Flugmotorn in de BMW Flugmotorenbau GmbH
• 1944: Stoake Zastearung vom Werk Minga durch Luftogriff
• 1945: Erlaubnis zur Reparatur vo US-Armeefoazeig und Motorradproduktion. Gleichzeiti wean de Werke Minga und Allach demontiert
• 1948: Easchts Nochkriagsmotorradl
• 1959: Historische Hauptvasammlung, auf der de Ibanahme durch Daimler Benz vahindert wiad
• 1960: BMW beschäftigt 7.000 Mitorbata und erwirtschaftet an Joares umsatz von 239 Muillionen DM
• 1961: Da legendäre Paul-G. Hahnemann („Nischen-Paule“) wiad Vatriebsvorstand
• 1962: Karl-Heinz Sonne ibanimmt an Vorstandsvorsitz.
• 1963: Easchtmois gibts wieda a Dividende.
• 1965: "Aus Freude am Fahren" und ab 1969 "Freude am Fahren" wiad zum Werbespruch.
• 1967: De Hans Glas GmbH wiad ibanomma und wiad zum BMW Werk Dingolfing
• 1967: Erwffnung vom Motorradwerk in Berlin (Spandau)
• 1969: Umzug vom Motorradbereich nach Berlin
• 1969: BMW beschäftigt 21.000 Mitorbata und erwirtschaftet an Joaresumsatz von 1,5 Muilliarden DM.
• 1970: Eberhard von Kuenheim ibanimmt an Vorstandsvorsitz (bleibt's dann bis 1993). Gründung vo da Herbert Quandt Stiftung.
• 1972: Bau vom neien Vawoitungsgebaide, vom „Vierzylinda“, in Minga (Milbertshofen)
• 1972: Bau vo an Werk in Südafrika
• 1973: Ereffnung vom Werk Landshut
• 1978: Vorstellung vo an 5er mit Wasserstoffmotor in Zammaorbat mit'n Deitschn Zentrum fia Luft- und Raumfahrt (DLR)
• 1978: BMW beschäftigt 30.000 Mitorwata und erwirtschaftet an Joaresumsatz von 6,0 Muilliarden DM.
• 1979: Ereffnung vom Motornwerk in Steyr (Österreich)
• 1984: Ereffnung des Motorradwerks in Berlin (Spandau)

• 1985: Baubeginn fia's Forschungs- und Innovationszentrum (FIZ)
• 1985: Gründung vo da BMW Technik GmbH fia Vorentwicklungen
• 1987: Ereffnung vom Werk Regnschburg
• 1990: Offizielle Ereffnung des FIZ
• 1990: BMW beschäftigt 70.900 Mitorbata und erwirtschaftet an Joahressumsatz von 27,1 Muilliarden DM.
• 1992: Ereffnung vom Werk Spartanburg (South Carolina) in de USA
• 1993: Bernd Pischetsrieder wird Vorstandsvorsitzenda
• 1994: Kauf vo da Rover Group inklusive vo da Markn Mini
• 1999: BMW schliasst an Vertrag mit'n russischn Unternehmen „Avtotor“ aus da Stadt Kaliningrad (ehemois Königsberg); Beginn vo da Autoproduktion
• 1999: Joachim Milberg übernimmt den Vorstandsvorsitz

• 2000: Gründung der Eberhard-von-Kuenheim-Stiftung
• 2000: Ereffnung vo da Completely Knocked Down-Werk in Thailand
• 2000: MG-Rover und LandRover wean vakafft
• 2001: Ereffnung vom BMW-Werk Hams Hall
• 2002: Helmut Panke wird Vorstandsvorsitzenda. Baubeginn fia's BMW-Werk Leipzig
• 2003: Erwerb vo de Namensrechte vo Rolls-Royce
• 2003: Gründung vo an Joint Venture fia Produktion und Vatrieb mit da Brilliance China Automotive Holding in China
• 2004: Okindigung, no im Rahmen vo da aktuellen 7er-Reihe (2001-2008) a Serienfoazeig mit Wosserstoffmotor auf'n Moaktt z'bringa
• 2004: Baubeginn fia de BMW Wäid (Ausliefarungszentrum fia BMW Automobui) Minga
• 2005: Offizielle Ereffnung vom neien BMW Werk Leipzig am 13. Mai 2005
• 2005: Offizielle Ereffnung vo da neien Zentroin Teile-Auslieferung (Werk 2.70) in Gaubitzhausen bei Dingolfing am 15. Juni 2005
• 2006: Norbert Reithofer wird Vorstandsvorsitzenda
• 2007: CKD-Werk in Chennai wird ereffnet
• 2007: BMW Motorrad ibanimmt Husqvarna Motorcycles
• 2007: Ereffnung vo da BMW Wäid in Minga
• 2008: Neuereffnung vom BMW-Museum in Minga nach vierjähriga Umgstoitung am 19. Juni 2008

[dro werkln] Literatur

• Das Unternehmen BMW seit 1916, Manfred Grunert/Florian Triebel, Heel (2006), ISBN 3-932169-46-8
• BMW eine deutsche Geschichte, Horst Mönnich, Piper (2004), ISBN 3-492-04618-5
• BMW Automobile, Motorbuch Verlag (2003), ISBN 3-613-02343-1
• BMW 1898–1940, 1945–1994, Motorbuch Verlag (1994), ISBN 3-88350-167-0
• BMW Sondertypen, Motorbuch Verlag (1995), ISBN 3-613-01597-8
• BMW Personenwagen seit 1952, Typenkompass, Motorbuch Verlag (2004), ISBN 3-613-02386-5

[dro werkln] Weblinks

• BMW Hoamseitn
• BMW-Konzernarchiv
• BMW Group
• DER SPIEGEL 49/1960 vom 30. November 1960, Seite 46: BMW Sanierung

48.17707562777811.5593338013897Koordinaten: 48° 10′ 37.5″ N, 11° 33′ 33.6″ O