Badersee
| Badersee | |||||||||
|---|---|---|---|---|---|---|---|---|---|
 |
|||||||||
| Oigmoans | |||||||||
|
|||||||||
| Datn | |||||||||
| Hächn iwan Meeresspiagl: | 766.2 | ||||||||
| Flächn: | 0.0138 | ||||||||
| Seeläng: | 0.177 | ||||||||
| Seebroadn: | 0.131 | ||||||||
| Umfang: | 580 | ||||||||
| Grässte Diafn: | 8 | ||||||||
Da Badersee is a kloana Bergsee af da Gemarkung vo da Gmoa Grainau bei Garmisch-Partnkirchn.
Sein Nama hod da See vo seine ehemolign Besitza, da Familie Bader aus Grainau.[1]
Inhoitsvazeichnis |
[drå werkln] Beschreiwung
Da See is 12.810 Quadratmeta groß, 177 Meta lang, 131 Meta broad und hod an Umfang vo 580 Meta. De mittlere Wossatiafn liegt im Westtei vom See bei 2-3 Meta, im Osttei bei 5-6 Meta. De maximale Tiafn is 8 Meta; sie liegt in da Senkn zwischn da Insel und dem Sidufa.[1] Da smaragdgreane, kloore See is imma eisfrei, wei a untairdisch durch Warmwossaquejn gspeist werd. Er hod obairdisch koan Zua- und Obfluss.
Im See, westli vo da Insl, liegt auf an Fäisblock a lebmsgroße Skulptur vo ana Nixe. Des Kunstobjekt is in da Mittn vom 19. Joorhundat do montiat worn und ko vom Boot aus guad ogschaut wern. De Skulptur hod zur Bekanntheit vom See wesentli beitrogn.[1] Ogebli schaugts wia de Lola Montez aus, de legendäre Tänzarin und und Geliabte vom Kini Ludwig I.[2]
[drå werkln] Entstehung
Da Badersee is wia da Eibsee entstandn, wia si a Tei vom Zugspitzmassiv abglest hod und an Krater vaursacht hod, dea wo si nacha mit Grundwossa gfuit hod. De Morphologie vom See und seina Umgebung werd daher aa durch Bergsturzbleck dominiert. Da greßte Block buidt im Osttei vom See a kloane, bewochsne Insl.[1]
[drå werkln] Freizeit und Umlaund
Im Jahr 1871 hot da bayrische Benefizienrat Glonn an See erworbn und an seim Ufer a 3-Sterne-Hotel errichtet. Bis heit is da See no im Privatbesitz. Vo hier aus hot ma a guate Aussicht af de Zugspitz und an Waxnstoa.
