Doag
A Doag (Teig) is a Stoffmischung aus vaschiedanan Komponentn. De san moast Mej und Wossa oda Milli, Zucka, Soiz uns so weida. Duach de Mischung vo festn und flissign Komponentn entsteht a foamboare Masse. Da Doag wead in da Regl oba ned roh gessn, sundan im Rohr bocha, im Pfandl mit Fett aussabocha oda in Wossa bzw. Dampf kocht.
Beschreibung [dro werkln]
Beim Doag wead durch des Mischn oda Rüahn im Mäih mit da Flüssigkeid a Kleba freigsetzd. Je mehra ma an Doag riahrt, desto bessa bappt'a. Müabe Sachan soidt ma deszweng nedt z'stark oda z'lang rüahn. Duach irgand a Middl kemman Luftblosn in den Doag. Des ko zum Beispui sei: g'schlongs Eiweiß, Hepfa de gärt, Bachbuifa oda a Sauadoag. Beim Bacha vaändat dea Bapp vo dem Mäih sei Struktua, wead fest und hoidt de Luftblosn, de se in da Hitzn no ausdehna, fest und wead daduach lockana. Ma duat, je noch dem wos ma draus macha mecht, a no gean a Fett in Doag, Nüß oda drocknets oda frischs Obst, daß'a saftiga oda siaßa wead.
As Doagal is ned ebban a weng a kloa grodna Doag, a so nennt ma a Gmisch aus Wassa, Milli oda Rahm und a weng am Mäih, um a guade Soß zum bindn.
Oartn [dro werkln]
Es gibt vaschiedane Oartn vo Doag. Eintein ko ma an Doag noch:
- de Zuataten: a schwaara Doag is oana mit vui Fett und Zucka; a leichta Doag hod nua a weng davo
- da Lockarungsoart: Hepfa- oda Sauadoag
- da Oart vo de Endeazeignis: Bladdldoag, Miabdoag, Broddoag, Kuchndoag, Schmandoag, Brezndoag und so weida
Im Netz [dro werkln]
| Boarisches Weatabuach: Teig – Bedeitungserklärunga, Woatheakunft, Synonyme und Ibasetzunga |
Commons: Doag – Sammlung vo Buidl, Videos und Audiodateien
