Georg Sterzinsky

Aus Wikipedia
Wexln zua: Navigation, Suach
Georg Sterzinsky (2007)

Da Georg Maximilian Kardinal Sterzinsky (* 9. Feba 1936 in Warlack, Ostpreißn (heit Worławki in Poln); † 30. Juni 2011 in Berlin) is Erzbischof von Berlin gwen. Er is 1989 Bischof von Berlin worn und is damit da Nochfoiga von Joachim Meisner gwen. 'S Berlina Bischofsamt is frei gwen, weil da Meisner grod zum neien Erzbischof von Köln ernannt worn is.

Im Jahr 1994 is s Bistum Berlin zum Erzbistum erhobm worn, womit da Sterzinsky foiglich ersta Erzbischof von Berlin worn is, und zugleich Metropolit von da Kirchnprovinz Berlin.

Im Feba 2011 is da Sterzinsky oitabedingt zrucktretn, und am 30. Juni im söibm Jahr is er aa scho gstorbm. Sei Nochfoiga is da Rainer Maria Woelki.

Coat of arms of Georg Sterzinsky.svg