Poin

Aus Wikipedia

Rzeczpospolita Polska Republik Poin
(Details) (Details)
Åmtssproch	Polnisch
Hauptstod	Warschau (Warszawa)
Stootsform	Parlamentarische Republik
Stootsobahaupt	Staatspräsident Lech Kaczyński
Regiarungsschef	Ministapräsident Donald Tusk
Flächn	312.685 km²
Eiwohnazoi	38.536.869 (Stand: Juli 2006)
Beväikarungsdichtn	123 Eiwohna pro km²
BIP	(23.) $312 Mrd. (Schätzung 2005)
BIP/Eiwohna	(51.) $8.082
Währung	Złoty
Gründung	im Jahr 960–992 n. Chr.
Unobhängigkeit	11. November 1918
Nazionalhymne	Mazurek Dąbrowskiego
Zeitzone	UTC+1
Kfz-Kennzeichn	PL
Internet-TLD	.pl
Telefonvorwoi	+48

D'Republik Poin (poinisch Rzeczpospolita Polska) is a Stååd in Mittleuropa.

[dro werkln] Geographie

Im Norn grenzts ans Gebied Kenigsberg, des wås zu Russlånd gherd (210 Kilometa) und an Litaun (103 Kilometa), im Ostn an Weißrusslånd (416 Kilometa) und and Ukraine (529 Kilometa), im Südn and Slowakei (539 Kilometa) und and Tschechei (790 Kilometa) und im Westn nu an Deitschlånd (467 Kilometa). Außadem håd Poin im Norn à nu 528 Kilometa Ostseeküstn. Åis zsåmm san de Grenzn vo Poin 3.582 Kilometa lång. Vo Norn nåch Südn is Poin bis zu 790 Kilometa broad und vo Westn nåch Ostn bis zu 680 Kilometa.

De greßten Metropolen sand

• Allenstoa (Olsztyn)
• Bielitz-Biala (Bielsko-Biała)
• Breslau (Wrocław)
• Bromberg (Bydgoszcz)
• Danzig (Gdańsk)
• Gdynia
• Gleiwitz (Gliwice)
• Grünberg (Zielona Góra)
• Kattowitz (Katowice)
• Krakau (Kraków)
• Lodz (Łódź)
• Lublin
• Posen (Poznan)
• Stettin (Szczecin)
• Thorn (Toruń)
• Warschau (Warszawa- de Hauptstådt).

[dro werkln] Vawoitungsgliederung

Verwaltungstechnisch is Poin in 16 Woiwodschaft eiteilt mit eigne Parlamente, am repräsentativn Obahaupt ("Marschall") und am Ministapräsidentn:

1. Woiwodschaft Ermland-Masuren
2. Woiwodschaft Großpoin
3. Woiwodschaft Kleinpolen
4. Woiwodschaft Kujawien-Pomman
5. Woiwodschaft Lodz
6. Woiwodschaft Lublin
7. Woiwodschaft Lebus
8. Woiwodschaft Masowien
9. Woiwodschaft Niedaschlesien
10. Woiwodschaft Oppeln
11. Woiwodschaft Karpatnvorland
12. Woiwodschaft Podlasien
13. Woiwodschaft Pomman
14. Woiwodschaft Schlesien
15. Woiwodschaft Swietokrzyskie
16. Woiwodschaft Westpomman

[dro werkln] Historie

Da Nåm Poin kummt vo de Polànan (Polanie), des wår a so a westslàwischa Ståmm, der wås si im fünftn Jåhrhundat nåch Gristi Geburt, wias Römische Reich scho zsåmmbrochn wår, im Gebied vo da heiding Wojewodschåft Großpoin um de Stéd Posn (Poznań) und Gnésn (Gniezno), zwischn de Flüss Oda und Weichsl, niedaglåssn håmd.

Poin is im 9. Jåhrhundert vo Posen und Gnesen aus gründet worn. Im 16. Jahrhundert war Poin oana vo de führenden Kontinentalmächte in Eiropa. Poin is dann nåch de Poinischn Teilunga erst nåchm Erstn Wöidgriag ois unabhängiga Staat wieda entstandn. Im Zweitn Wöidgriag wår Poin s'erschte Lånd, des wås de Deitschn ãgriffn håm. Nach da Niederlage vo de Deitschn is Poin unta de Kontrolle vo da Sowjetunion kemma, da poinische Staat is aufgrund vo da Konferenz vo Potsdam nach Westn verschom worn. 1980 is de unabhängige Gwerkschaft Solidarnosc unterm Lech Walesa gründet worn, letztli håt si de kommunistische Herrschaft aufglöst. Poin is seit am 12. März 1999 NATO-Mitglied und is zum 1. Mai 2004 in de Europäische Union aufgnumma worn.