Grea

Grea

Grea (Grün) is a Foarb.

Per definitionem is Grea Liacht vo a Wejnläng vo 520 bis 565 nm grea.

Grea ko vui Bedeitunga hom. Zum oana han fost olle Pflanzn grea, wos doda dro liegt, dass de olle Chlorophyll enthoitn, wos wichtig fia de Sauerstoffsynthese is. Nachad ko grea no symbolische Bedeitunga hom. Zwengs seina Bedeitung in da Pflanznwejd werds aa vo vui Öko-Organisazjonen wia Greenpeace oda de vuin greana Bardein auf da Wejd heagnumma, wiar aa vo da deitschn, de wo se aa de Greana hoasst.

Foarbmlea

Giftgrea

Olivgrea

Grea is a Grundfoarb vo da Additivn Foarbmischung (nem Rot und Blau). Ba da subtraktivn Foarbmischung earreicht ma Grea duach Mischung vo de Foarbm Cyan und Gejb. De Komplementarfoarb vo Grea is Magenta bzw. Rot.

Bedeitung vo Grea

• Grea wead ois Foarb vo da Natur ogsegn und damit ois Symbol fia Wochstum, Harmonie, Frische und Fruchtborkeit.

• In da Heraldik steht Grea fia Wochstum und Hoffnung

• Grea ko a fia Ofänga steh (vgl. im Englischn: greenhorn, green pea)

• Grea is de Foarb vom Islam und kimmt deswegn in vuin Flaggn vor

• Grea wead aa mit Gejd assoziat. Des kimmt vo de Amerikanischn Dollar, de wo greenbacks gnennt wean.

• Grea is aa de Symbolfoarb fia "in Ordnung" (vgl. Ampen, ba Grea deafst geh)

• Dunklgrea wead oft mit Gier, Eifasucht und Ambition assoziiat

• Gejbgrea ko Gsundheit und Heilung bedeitn

• A ganz blosses Gejbgrea ko Kronkheit, Sorgn, Neid und Eifasucht bedeitn

• Olivgrün is de traditionelle Friednsfoarb

Biacha

• Eva Heller: Wie Farben wirken. Farbpsychologie, Farbsymbolik, Kreative Farbgestaltung 3. Auflage. Rowohlt, Reinbek bei Hamburg 2006 (1. Auflog 1999), ISBN 978-3-499-61960-1, S. 71–85. 

Im Netz

Commons: Grea – Buidl, Videos und/oda Audiodatein

• T. Seilnacht: Grün: Geschichte und Bedeutung. In: Naturwissenschaftliches Arbeiten www.seilnacht.com – Seilnachts Didaktik der Naturwissenschaften. Obgruafn am 9. November 2009.
• Katharina Andres-Wilhelm: Vom Rätsel und der Pracht der Farbe Grün. In: www.modeschule-metzingen.de. Obgruafn am 9. November 2009.
• Assoziationen zur Farbe Grün. In: metacolor.de. Obgruafn am 9. November 2009.
• Farbimpulse. Obgruafn am 9. November 2009.
• Farbanmutungen nach Nationen – kulturspezifische Farbbedeutungen. Obgruafn am 9. November 2009.