Isaac Newton

Isaac Newton (Godfrey Kneller, 1689)

Sir Isaac Newton (*  4. Jenna 1643 in Woolsthorpe-by-Colsterworth in Lincolnshire, †  31. März 1727 in Kensington) woar a englischa Physika, Mathematika, Astronom, Alchemist, Philosoph und Vawoitungsbeamta..

In seina Zeit, wo zwischen natialicha Theologie, Naturwissnschaftn und Philosophie no ned schoarf trennt woan is, hod ma an Newton an Philosophn gnennt.

1687 hod a de Philosophiae Naturalis Principia Mathematica aussabrocht. Se guit ois oans von de Werke mit'm greßtn Einfluß auf de Wissenschoftsgschichte und hod de Grundlong firn Groaßtoi von da klassischn Mechanik gschoffa. In dem Werk beschreibt a de Gravitationsgsetze von da universoin Gravitation und de Bewegunsgsetze. Domit hot a iwa 300 Joor de Physik mitbstimmt. Er hodt aa des erschte Spiaglfernroor baut. In da Mathematik hot a unobhängig vom Gottfried Wilhelm Leibniz de Infinitesimalrechnung entwicklt.

Zweng seina Leistungen, voa oim in da Physik und Mathematik, guit da Newton ois oana vo de gresstn Wissnschafta vo oin Zeitn. De Principia Mathematica wean ois oans vo de wichtigstn wissenschaftlichn Weake eingstuft.

Wiadigung

Nachm Newton san des newtonsche Näherungsvafoarn und de SI-Einheit vo da Kraft (Newton), de Newtonsche Axiome sowia de Newton-Cotes-Formeln bezeichnet woan, außadem da Asteroid (662) Newtonia sowia a Mondkrata.

Schriftn vom Newton

• Method of Fluxions (1671)
• Of Natures Obvious Laws & Processes in Vegetation (unvaeffentlicht, c. 1671–75)
• De Motu Corporum in Gyrum (1684)
• Philosophiae Naturalis Principia Mathematica (1687)
• Opticks (1704)
• Reports as Master of the Mint (1701–25)
• Arithmetica Universalis (1707)
• The System of the World, Optical Lectures, The Chronology of Ancient Kingdoms und De mundi systemate (posthum vaeffentlicht 1728)
• Observations on Daniel and The Apocalypse of St. John (1733)
• An Historical Account of Two Notable Corruptions of Scripture (1754)

Im Netz

Boarischa Text: Isaac Newton – gmoafreie Originaltext (engl.)

 Commons: Isaac Newton – Oibum mit Buidl, Videos und Audiodateien

Spruch: Isaac Newton – Zitat af Boarisch

• Literadua vo und iwa Isaac Newton im Katalog vo da Deitschen Nationalbibliothek
• George Smith: „Isaac Newton“ in da Stanford Encyclopedia of Philosophy (englisch, inklusive Literatuaogobm)
• Robert Rynasiewicz: „Newton's Views on Space, Time, and Motion“ in da Stanford Encyclopedia of Philosophy (englisch, inklusive Literatuaogobm)
• Andrew Janiak: „Newton's Philosophy“ in da Stanford Encyclopedia of Philosophy (englisch, inklusive Literatuaogobm)
• Rob Iliffe: The Newton Project mit Textausgobm und Faksimiles, Sussex 2007
• Über Isaac Newton und die Entstehung der Gravitationstheorie, vo Chr. Pinter (dt.)
• Projekt vo da Indiana University de alchemistische Notizn vom Newton zan dechiffrian (englisch)