Kini

Aus Wikipedia

Da Kini (auf Oidhochdeitsch hoaßt a kuning, und auf lateinisch nennt ma'n rex) is nochm Kaisa da hechste monarchische Herrschatitl. Im deitschsprochigm Raum is des Kinitum ausm fränkischn Reichskinitum entstondn, da deitsche Kini war oft a römischa Kaisa.

An Kini werd entweda gwöht oder er erbt de Stöllung vo seim Vådan, der wos söba scho Kini gwesn is. De Stoodsform mim Kini nennt ma Monarchie oder Kinireich. Heit gibts a nu a poa Lända, de wos an Kini oda/und a Kenigin homd. De bekonntaste is de Elisabeth II. vo Englond. De Baian homd vo 1806 bis 1918 an Kini aus da Familie vo de Wittlsbocha ghod. Mid "Kini" moana oba de moaßtn Baian bsunders an Ludwig den Zwoatn.