Kioto

A Blick auf Kioto

Kioto (jap. 京都市, rom. Kyōto-shi, im Deitschen nend mas oft Kyoto) is oane vo de gschichtlich und kulturell am wichtigstn Städte vo Japan. De Stådt liegt im Westn vo da japanischn Hauptinsl Honshū im Ballungsraum Kansai. Kioto hod a Flächn vo 827,90 km² und hod 1.464.990 Éiwohna.

Beide Schriftzeichn vom jiatztign Stådtnaum wern ålloa jeweis „Miyako“ glesn und hoaßt im japanischn wörtlich „kaisaliche Residenz“. Kyōto wår vo 794 bis 1868 da Sitz vom kaisalichn Hof vo Japan und is heid da Vawoitungssiz vo da Präfektur Kyōto. In da nähe vo Kyoto liegt Ōtsu mid dems gemeinsaum s'Wödkultuaerbe „Historischs Kioto“ büdn.

Geografie

Kioto liegt in etwa 400 km süwestli vo Tōkyō im mittlan Westn vo da japanischn Hauptinsl Honshū, ca. 10 km südwestlich vom Biwasee und ca. 40 km vo Ōsaka weg. Durch de Låg in an neta noch Südn offanen Toikessl schtaut se de Luft im Summa schwül auf. Da Nordteil vo da Stodt wiad im Winta gscheid vü köda ois in de benåchbatn Städt Ōsaka und Kōbe. Åndas ois Kōbe is Kioto owa durch de bis iwa 1.000 m hohn Berg voa Taifune greßtnteijs gschützt und a sötn hochwåssagefährdet.

Da Ginkaku-ji in Kyoto

Stådtgliedarung

Kioto is in öf Stådtbeziake (区 -ku) eiteid:

• Fushimi-ku (伏見区)
• Higashiyama-ku (東山区)
• Kamigyō-ku (上京区)
• Kita-ku (北区)
• Minami-ku (南区)
• Nakagyō-ku (中京区)
• Nishikyō-ku (西京区)
• Sakyō-ku (左京区)
• Shimogyō-ku (下京区)
• Ukyō-ku (右京区)
• Yamashina-ku (山科区)

Souvenirs

Yatsuhashi, wos siass aus Kyoto

A beliebts Present (Miyage) aus Kioto is Yatsuhashi, wos siass aus japan des aus da Adzukibohne heagstöd wiad.

Sport

• Kyoto Purple Sanga (Fuaßboi)

Augrenznde Städte und Gmoana

• Uji (Kyōto)
• Nagaokakyō
• Mukō
• Yawata
• Kameoka
• Takatsuki
• Ōtsu
• Takashima

Patnastädt

• Boston, USA
• Paris, Fraunkreich
• Köln, Deitschlånd
• Florenz, Italien
• Kiew, Ukraine
• Xi'an, Voiksrepublik China
• Guadalajara, Mexiko
• Zagreb, Kroatien
• Chinju, Südkorea
• Prag, Tschechische Republik
• Cusco, Peru

Siagst a unta

• Kyoto-Protokoll
• Kyoto-Preis
• Universität Kyoto
• Hamaguri

Im Netz

 Commons: Kyōto – Sammlung vo Buidl, Videos und Audiodateien

• Offizielle Seitn vo Kyōto (Japanisch, Englisch, Chinesisch und Koreanisch)
• Kyoto - De oide Kaisastådt