Mailand
Mailand (ital. Milano, lombard. Milan [miˈlãː], aus gall./lat. Mediolanum, vermutl. ‚Ebene in da Mittn‘) is de zwoatgreßte Stodt in Italien, Hauptstodt von da Provinz Mailand und da Region Lombardei in Obaitalien. Innahoib von de amtlichn Stodtgrenzn hot Mailand rund 1,3 Millionen Eiwohna, in da Provinz san's ca. 4,8 Millionen Eiwohna. De Metropolregion Grande Milano mit ca. 7,5 Millionen Eiwohnan is mit Abstand da greßte Ballungsraum in Italien. (Eiwohnastände: 2006).
Mailand is as Zentrum von da Wirtschaft, Mode, Design und Medien in Italien, und guit ois „moralische Hauptstodt“ vom Land und sei „Tor zur Welt“. De Stodt is u.a. für ihrn gotischn Dom, ihr weltberühmts Opernhaus Mailända Scala, verschiedne Kunstschätze (darunta as Abendmahl von Leonardo da Vinci), ihr exklusivs Modeviertl, ihre Fuaßballvereine AC Mailand und Inter Mailand und für de bedeitndste italienische Messe, „Fiera Milano“, bekannt.
