Fuaßboi

Der Artikl is im Dialekt Mingarisch gschrim worn.

Fuaßboi is wahrscheinle oane vo de Mannschaftsspoatarten, de de Leit bei uns, wo ma bairisch red, om liabsten meng. G'schbuit wiad af zwoa gengüba liegende Tor' mit öif oane gega öif ondane, wobei a jeda an Boi nua mit de Fiaß in da Gengd umanandatreten deaf; Brust, Mong und Belle zeyn owa aa no. Nua da Toamo deaf an Boi in seim 16-Meda-Raum mit de Händ ograbbeln, um sei Tor zu vateidigen. Dazu ziagt ea meist Hondschuch o, wos owa zu Beginn vo dera Spuatart no ned dea Foi g'wen is.

Damit koana vo de Schbieler an Radau, g'nannt Foul, mocht, gibt's no d'Schiri mit de zwoa Heyfa an da Saitnlinie, de wo eahm ozeing, wenn a Schbieler im Obseits g'schdondn is oda an sonsting Schmorrn g'mocht hot. As Abseits is dawei so schwaar zu vazäyn, dass des eh koa Sau kapiat, desweng lass'mas glei weg. Meah dazua und am Schbuifeyd findst unta Fuaßboiregeln.

Fuaßboi wead eigntle in alle Länder fabriziert, vo dene de meistn eahrane eigne Liga ham. Olle via Joahr treffens si dann zu de Weyt- oda Europamoasterschaften, wo se eahna Tschämpion damitteln.

Zu de bestn Fuasboier vo da Geschichte ghern außa dem Brasüliana Pelé unsa Kaisa, da Franz Beckenbauer, und in Österreich da "Hansiburli" Hans Krankl. In da heidigen Zeit san de besten deitschen Fuaßballer dritte bei de Woidmoastaschafftn gwoadn. Dabei san aa a baar Bayern wia da Bastian Schweinsteiger oda da Philipp Lahm.

Tuniere

• Wejtmoastaschaftn, zum Beispü de Weijtmoastaschaft 2006 in Deitschlånd
• Europamoastaschaft, zum Beispü de Europamastaschaft 2008 in Östareich und da Schweiz
• Champions League
• UEFA-Cup

Nationalmannschaften

• Germany Deitsche Nationalmannschaft
• Austria Östareichische Nationalmannschaft
• France Franzesische Nationalmannschaft

Vereine

Im Fuaßboi gibts vüle Profivareine, oiso soiche, bei denen de Spüla vom Varein ãngstöd san. De Spüla wean oiso vom Varein dafia bezoit, dåss bei dem Varein spün und ned beiam åndan. Es gibt oba natirlich aa vüle Hobbymãnnschaftn, oiso soichane wo de Spüla afoch nua in ira Freizeit Fuaßboi spün und ian Lebnsuntahoit mid an åndan Beruf vadienan. Zu de bekaunntestn Profivareine ghearn unta åndarem:

Deitschlånd

• FC Bayern Minga
• TSV 1860 Minga
• FC Augschburg
• SSV Jahn Rengschbuag
• SpVgg Untahaching
• SV Wagga Burghausen
• 1. FC Niamberg
• FC Inglstod

Östareich

• SK Rapid Wean
• FK Austria Wean
• Red Bull Soizburg
• FC Wacker Innsbruck
• SV Maddersburg
• LASK Linz
• Weana Spuat-Club

Italien

• AC Mailand
• Inter Mailand
• SSC Neapel

Spanien

• Real Madrid
• FC Barcelona

Lign

Die Vareine spün dånn in eanare Lign genganãnd. Die hechste Liga in Deitschlånd is de deitsche Fuaßboi-Bundesliga, in Östareich gibts aa a soichane Fuaßboi-Bundesliga.

Oaganisationen

• die FIFA is da wödweite Fuaßboivabaund
• die UEFA is nua fia Eiropa zuaständig