Marche des Marseillois chantée sur diferans theatres. Druck vo da Marseillaise vo 1792
De Marseillaise is de Nationalhymne vo Frankreich.
[drå werkln] Uasprung vo da Marseillaise
De Marseillaise is vom Claude Joseph Rouget de Lisle in da Nocht afn 26. Aprui 1792 während da Kriagseaklärung an Österreich im elsässischn Straßburg vafosst woan. Zeascht hods Chant de guerre pour l’armée du Rhin, d. h. „Kriagsliad fia de Rheinarmee“ ghoassn, und woa am Obabefejshoba und Gouverneur vo Straßburg, Grafen Luckner gewidmet, dea wo im Joa davua zum Marschall vo Frankreich befeadat woan is. Deswegn wead de Marseillaise no heit Dog fia Dog um 12:05 Uhr vom Glocknspui afm Moaktplotz in Cham in da Obapfoiz gspuit, wei des da Gebuatsoat vo dem Grafn is.
[drå werkln] Nationalhymne in Frankreich
Des Liad hod deshoib an Nama Marseillaise griagt, weis vo Soidotn aus Marseille beim Eizug z Paris gsunga woan is. Am 14. Juli 1795 is de Marseillaise zura franzäsischn Nationalhymne eaklärt woan.
